Education Means------

"EDUCATION SHOULD BE MAN MAKING & SOCIETY MAKING ----DR. Radhakrishan THANKS

LIFE OF COURGE

live vichar

"શિક્ષક પોતે શીખતો ન રહે તો તે કદી શીખવી ન શકે - રવીન્દ્રનાથ ટાગોર. જીવનમાં કોઈ પણ માણસને ખોટો ના સમજવો, તેના પર વિશ્વાસ રાખવો, કેમકે એક બંધ ઘડીયાળ પણ દિવસમાં ૨ વાર સાચો સમય બતાવે છે.સફળતાનું કોઈ રહસ્ય નથી,તે ફક્ત ધણો વધારે પરિશ્રમ જ ઈચ્છે છે.પ્રકૃતિનું બીજું નામ ટેવ છે. THANKS

WEL COME TO MY BLOGS

DIWALI WISHES

હજાર કામ નહીં કરો તો ચાલશે પણ એક કામ એવું કરજો જેના માટે દુનિયાએ તમને યાદ કરવા પડે. જે આવડે છે તેને શ્રેષ્ઠ બનાવવાનો પ્રયત્ન કરો. THANKS

WEL COME

ACHIVEMENT

30 November 2014

DHARM

loading...

WHATSAAP

loading...

LETTERS OF KRISHANA

loading...

દિતવાની જડીબુટ્ટી


 જંગલી વિસ્તારમાં રહેતી એક સ્ત્રીનેએના પતિ સાથે બહુસારા સંબંધો નહોતા. એને હંમેશાં એવુંલાગતું કે એનો પતિ એને પ્રેમ કરતો નથી. એક દિવસ જંગલમાં રહેતા એક સંન્યાસી પાસે એ ગઈ અને સંન્યાસીનેકહ્યું, “મહારાજ, મારા પતિ મને પહેલા ખૂબ સારી રીતે રાખતા પણ છેલ્લા કેટલાક સમયથી મારા પ્રત્યેનો એનો પ્રેમ નહિવત્ થઈ ગયો છે. એ પથ્થર જેવા જડ બની ગયા છે. મેં આપના વિષે ખૂબ સાંભળ્યું છે. આપ એવી કોઈ જડીબુટ્ટી આપો કે મારા પતિનો પ્રેમ પુનઃ પ્રાપ્ત થાય અને હું એને વશમાં કરી શકું.” સંન્યાસીએ બધી જ વાત સાંભળ્યા પછી કહ્યું, “બહેન, હું આ માટે એક ખાસ દવા બનાવીને તને આપીશ પણ એ દવા બનાવવા માટે મારે વાઘની મૂછનો વાળ જોઈએ. બોલ તું એ લાવી શકીશ ?” જંગલમાં રહીને જ મોટી થયેલી આ સ્ત્રી શૂરવીર હતી એટલે એણે તુરંત જ હા પાડી દીધી. બીજા દિવસે એ વાઘની શોધમાં નીકળી પડી. એક ગુફા પાસે એણે વાઘ જોયો એટલે એ હરખાઈ કે ચાલો વાઘ મળી ગયો. હવે એની મૂછ પણ મળી જાશે. જેવી એ વાઘ તરફ આગળ વધી કે વાઘે ત્રાડ પાડી અને પેલી સ્ત્રી ગભરાઈને દૂર ખસી ગઈ. દૂર
ઊભા ઊભા એ વાઘને જોયા કરતી હતી પણ એની નજીક જવાની હિંમત ચાલતી નહોતી. એ રોજ પેલી ગુફા પાસે જવા લાગી. ક્યારેક એ વાઘ માટે માંસ પણ લઈ જાય અને દૂર રાખી દે. સમય જતા બંનેને
એકબીજાની હાજરી પસંદ પડવા લાગી. વાઘે પણ હવે તાડૂકવાનું બંધ કરી દીધું. એક દિવસ તો સ્ત્રી વાઘ પાસે પહોંચી જ ગઈ અને વાઘના શરીર પર હાથ ફેરવવા લાગી. વાઘ કંઈ ન બોલ્યો એટલે ધીમેથી એની મૂછનો એક વાળ ખેંચી લીધો. દોડતી દોડતી એ સંન્યાસી પાસે ગઈ અને સંન્યાસીના હાથમાં વાઘનો વાળ
આપીને કહ્યું, “લ્યો મહારાજ આ વાઘનો વાળ અને હવે મારા પતિને વશ કરવાની જડીબુટ્ટી બનાવી આપો.” સંન્યાસીએ વાળને અગ્નિમાં નાંખી દીધો. પેલી સ્ત્રી ગુસ્સામાં બોલી, “તમે આ શું કર્યું ? હું મહામહેનતથી જે વાળ લાવી હતી એ માંથીજડીબુટ્ટીબનાવવાને બદલે તમે એને સળગાવી દીધો.” સંન્યાસીએ હસતાં હસતાં ઉત્તર આપ્યો, “બહેન, તને હજુ ના સમજાયું. જો પ્રેમ અને ધીરજથી વાઘ જેવું હિંસક પ્રાણી પણ વશ થઈ જતું હોય તો પછી તારો પતિ તો માણસ છે.” આપણે લોકોને વશ કરવા ઈચ્છીએ છીએ પણ એની સાચી રીત અપનાવી નથી અને એટલે લોકોનો પ્રેમ આપણે પ્રાપ્ત કરી શક્યા નથી. યાદ  રાખજો પ્રેમ અને ધીરજ કઠણ
કાળજાના માણસને પણ પીગળાવી દે છે.

29 November 2014

સમયનો સદપયોગ કયારે થયો કહેવાય?


સદપયોગ

સમયનો સદપયોગ કયારે થયો કહેવાય? 
* જે સમયના ઉપયોગથી અન્તઃકરણને શાંતિ અને આનંદ મળે. 
* જે સમયગાળામાં ચિત્તમાં કો વાસના કે વિકાર ન જન્મે. 
* એ સમય દરમિયાન કોઈ પ્રવૃતિ થઈ હોય તો તેના પરિણામથી અન્યનું હિત થાય,ાન્યને શાંતિ અને આનંદ પ્રાપ્ત થાય.

thought of the day















"હાલો ભેરું ગામડે"

My devotion for better society ... નવા ઉભરતા લેખકો માટે ઉત્તમ તક ..
ગ્રામ્ય સંસ્કૃતિને ઊજાગર કરતા મહિસાગર જીલાનું પ્રથમ સામાયિક
                                     "હાલો ભેરું ગામડે"માં

 લેખો અને નવીન વિચારો રજૂ કરવાની ઉત્તમ તક..
                           
મિત્રો, જેમને વાંચન ,લેખન અને નવીન વિચારોના
સર્જનમાં રસ છે એવા પ્રબુદ્ધજનોને જણાવતાં આનંદ થાય છે કે આપણા વિચાર
પુષ્પોને  "હાલો ભેરું ગામડે "મેગેઝીન દ્વારા લોક્સાગરમાં પ્રવાહિત
કરવાની તક મળનાર છે.આપણા વિચારપુષ્પોની ફોરમ માનવ મનને પ્રફુલ્લિત
કરનારી ,હિતકારી બને એવા આશય સાથે લોકસંસ્કૃતિનું મેગેઝીન બહાર પાડી
રહ્યા છીએ,જેનો પ્રથમ અંક જાન્યુઆરી-૨૦૧૫માં બહાર પાડનાર છે.
                         
આમ તોલેખન ક્ષેત્રે નવો વર્ગ તૈયાર કરી
શકાય એવો આશય પણ છે. મૂળભૂત રીતે ગ્રામજનોનું  તેમના ભવ્યાતિભવ્ય વારસાને
દર્શાવતું તેમજ સાંપ્રત પ્રવાહો અને અદ્યતન જ્ઞાનથી સજ્જ સામાયિક તૈયાર
કરવું છે. ગ્રામ્ય સંસ્કૃતિનો  દિવ્ય અને ઉદ્દાત વારસો  રોળાય રહ્યો
છે,ત્યારે ગ્રામ્યજીવનના સમૃદ્ધ વારસાને પુનઃજાગ્રત કરવાની નેમ  સાથે જે
સારું છે તેને સ્વીકારી તેમજ તેને જાળવી રાખવાનો મૂળ આશય છે.
                       
પ્રકૃતિની ગોદમાં વસેલાં  ગામ તેનું સૌંદર્ય ખોઈ
બેશે  અને તેની  ભવ્યસંસ્કૃતિ લુપ્ત થઇ જાય તે પહેલાં તેને ગ્રામ્ય
જીવનમાં પુનઃ પ્રવાહિત કરવાના વિચાર સાથે આપણે ચાલવું છે.શહેરની જેમ જ
ગામડાઓ પણ અદ્યતન સુવિધાઓથી સજ્જ થાય એ જરૂરી છે.કેટલાક ખ્યાલો આજના
યુગમાં બદલાય એ મહત્વપૂર્ણ છે.પણ ગ્રામ્યજીવનનો તલસ્પર્શી અભ્યાસ કરનારાઓ
માને છે કે ગ્રામ્ય સંસ્કૃતિમાં ધરબાયેલ માનવતાનાં  સાંસ્કૃતિક મૂલ્યોનું
 
જતન થવું જ જોઈએ.
                         
આજે પણ પ્રકૃતિ વિશે સમૃદ્ધ જ્ઞાન ધરાવતો વડીલ
વર્ગ છે. શ્રદ્ધા/સંસ્કાર-ધામો,તળાવો,કુવા,વાવ,વટવૃક્ષો,નયનરમ્ય કુદરતી
સ્થાનો છે.જેનું જ્ઞાન જનગણ સુધી લઇ જઈએ અને જેથી તેઓ ભારતીય સંસ્કૃતિના
જતન માટે કટ્ટીબદ્ધ બને.સાથે સાથે  ગામડા અદ્યતન ટેકનોલોજી અને સગવડોથી
સજ્જ બને પરંતુ તેનો સમૃદ્ધ સાંસ્કૃતિક વારસો ખોઈ ન બેશે તેવા પણ
પ્રયત્નો  કરવા છે.
                         
તમારા વિચારો,સૂચનો અને ભાવ એજ અમારી ઊર્જા
છે. સૌના સહયોગથી જનસમૂહનું સોનેરી સ્વપ્ન સાકાર થાય ,એજ હૃદયના ભાવ સાથે
આપના ઉત્તરની રાહ જોવું છું.આભાર ...

                                         મેગેઝીન : “ હાલો ભેરું ગામડે ”
  *આપના વિચારો ,લેખો અને સૂચનો મોકલવાનું સરનામું
                                                                    સંપર્ક : શ્રી ઈશ્વરભાઈ એન.પટેલ (કોયડમ)
                                                                     મું.પો-કોયડમ,તા:વિરપુર,જી:મહિસાગર
   ઈ.મેલ : icanguj@gmail.com                               મો.નંબર :૯૪૨૬૭૫૫૦૬૬ /૯૬૦૧૦૨૩૩૪૪

માનવ મંદીર

માનવ મંદીર 
કરવા માનતા પુરી, જતાં હતાં મંદીરે ભગવાનના;
ક્યાં ખબર હતી અમોને, ભાવી તારા પેટાળમાં શું છુપાયું?
દોડતી આવી સામે, મોત બની માતેલા સાંઢ સમી;
પળ બેપળમાં ઝડપથી, આવી ગયાં અંધારા, આંખે ન દેખાયું કશું.
ફરી વળી અથડાઇને, અધીરી બની, જેમ ત્રાટકે, ઝબુકે આકાશે વીજળી;
હશે નસીબ કોનું, પુણ્ય વળી પુર્વે તણું, કે આવનાર ભાવી બાળકનું ભલા.
જોયું હશે મુખ સવારે ઉઠતાં, કોઇ સુહાગન નારનું કે ખરા સજ્જનનું;
ઉગરી ગયા સહેજમાં અમે બન્ને, થયું અચરજ તમામ જોનારને.
જાન બચી લાખો પાયે, ઇશ્વર તણો લાખેણો ઉપકાર ખરો;
———————————————————————–
વાગે છે બાણ કદીક, બની અરમાનોના અશ્વ કદી;
ભુગર્ભમાં બની જ્વાળા, નીકળે છે લાવા કુવચનો બની.
———————————————————————-
ભોંકાયો કંટક દીલમાં, આહ એક સરી પડી;
અરેરાટી વ્યાપી ગઇ, વ્યાપી ગયો વીષાદ.
———————————————————————
સમીકરણ સંસારનાં, મેળવ્યાં મથી મથી;
સમુદ્રમંથન જેવો ઘાટ, અમૃત વીષ મળ્યું ખરું.

25 November 2014

મહેનત કરવા છતા બધું અવળુ ઉતરતું હોય તો શું કરવુ? માત્ર એક ફોનકોલ જીવન બદલી શકેરાશિ પ્રમાણે તમારા પ્રેમી / જીવનસાથી નો સ્વભાવ જાણૉ… છે!


mahenat

મહેનત કરવા છતા બધું અવળુ ઉતરતું હોય તો શું કરવુ? * યોગ્ય દિશામાં મહેનત થઈ અહી છે કે નહિ તે સાવધાની રાખી તપાસવું. * પરિણામ હાથવેતમાં છે એમ સમજી પુરૂષાર્થ ચાલું રાખવો.હિંમત ન હારવી. * એક યોજના નિષ્ફળ જવાથી જીવન ખતમ થઈ જતું નથી એવી સમજ હાજર રાખવી. * નિરાશ કે નિરૂત્સાહી થયા વિના કયાં ભુલ રહિ જાય છે તે શોધવાનું ચાલું રાખવું.


રાશિ પ્રમાણે તમારા પ્રેમી / જીવનસાથી નો સ્વભાવ જાણૉ…
એવું કહેવામાં આવે છે કે, જીવનમાં એકવાર તો પ્રેમ બધાને થાય છે. પ્રેમનો પાયો વિશ્વાસ પર સ્થિત હોય છે. આ બધા પછી પણ પ્રેમી અથવા પ્રેમિકાના મનમાં એક સવાલ જરૂર ઉભો થાય છે કે, તેના  પાર્ટનરનો સ્વભાવ કેવો હોવો જોઇએ, જેવો તે દેખાવાની કોશિશ કરે છે કે તેની સિવાય પણ તેનો અલગ સ્વભાવ છે.
તમારો પ્રેમી અથવા પ્રેમિકા તમને દગો આપી રહ્યો છે અથવા તેનો પ્રેમ સાચો જ છે, તે વાત તો કોઇ જાણી શકતું નથી, પરંતુ જ્યોતિષ શાસ્ત્ર મુજબ તેના સ્વભાવ વિશે ઘણું બધુ જાણી શકાય છે. વ્યક્તિના સ્વભાવ તેનું નામ એટલે કે, રાશિથી પ્રભાવિત થાય છે. તો તમારા પ્રેમી અથવા પ્રેમિકાની રાશિ મુજબ તમે પણ તેનો સ્વભાવ સરળતાથી જાણી શકો છો. તો કરો તમારા પ્રમી અથવા પ્રેમિકાની રાશિ પર ક્લિક અને જાણો તેમનો સ્વભાવ…
મેષ રાશિઃ-(અ.લ.ઈ)
મેષ રાશિવાળા આકર્ષક અને પ્રભાવશાળી સ્વભાવવાળા હોય છે. તેમનું વ્યક્તિત્વ રૂઆબદાર અને મર્દાની હોય છે, જેનાથી દરેક પ્રકારની યુવતીઓ તેમની તરફ તરત જ આકર્ષિત થઇ જાય છે. મેષ રાશિવાળા વ્યક્તિ ઉતાવળમાં પ્રેમ કરે છે અને તેમનો પ્રેમ વધારે દિવસ સુધી ટકી શકતો નથી. કામુક સ્વભાવને કારણે આ લોકો શારીરિક સંબંધ બનાવવામાં વઘારે વિશ્વાસ કરે છે.
આ લોકો રોમેન્ટિક વ્યક્તિત્વના ઘની હોય છે. મેષ રાશિવાળા જેટલી ઉતાવળમાં કોઇથી પ્રેમ કરે છે, તેનાથી પણ વધારે જલ્દીમાં તેમનો પ્રેમ સંબંધ તૂટે જાય છે અને આ રાશિના લોકો તે પ્રેમજાળમાંથી તરત જ મુક્ત થઇ જાય છે.
વૃષભ રાશિઃ- (બ.વ.ઉ)
વૃષભ રાશિવાળા ઉત્તમ શ્રેણીના પ્રેમી હોય છે. વૃષભ રાશિવાળા લોકો પ્રેમ સંબંધ બનાવવામાં મહારત હાંસિલ થાય છે. આ લોકો ખૂબ જ જલ્દી કોઇપણ વ્યક્તિ સાથે પ્રેમ સંબંધ બનાવવામાં સક્ષમ હોય છે. આ રાશિના લોકો પ્રેમમાં ધણા ભાવુક હોય છે. પોતાના પ્રેમી અથવા જીવનસાથીના પ્રત્યે તેમના પ્રેમની કોઇ સીમા હોતી નથી.
આ રાશિના લોકોના સંબંધ ધણા મજબૂત હોય છે અને આ લોકો જીવનભર સંબંધ નિભાવે છે. તેમના વૈવાહિક જીવનમાં ઘણા આનંદ ઉલ્લાસ ભર્યો હોય છે અને તેમના જીવનસાથી સાથે તેઓ ખૂબ જ ખુશ રહે છે. આ રાશિના લોકો તેમના જીવનસાથી અથવા પ્રેમીને દરેક પરિસ્થિતિમાં સહારો આપે છે અને તેમની પરેશાનીઓને દૂર કરવાનો પૂરો પ્રયાસ કરે છે.
મિથુન રાશિઃ-(ક.છ.ઘ)
આ રાશિના લોકોના જીવનમાં સામાન્ય રીતે ઘણા પ્રેમ સંબંધ હોય છે. આ જ કારણે ઘણા લોકોના એકથી વધારે લગ્ન પણ થાય છે. તેમનો સ્વભાવ વિપરીત લિંગ પ્રત્યે ખૂબ જ જલ્દી આકર્ષિત થઇ જાય છે. જો એવું કહેવામાં આવે કે મિથુન રાશિવાળા હ્રદયસાથે રમવું ખૂબ જ સારી રીતે જાણે છે તો તેમા કોઇ આશ્ચર્યની વાત નથી.
આ રાશિના લોકો પ્રેમ સંબંધ બનાવવામાં માહેર હોય છે. આ રાશિના મોટાભાવના લોકો વિવાહને વધારે મહત્વ નથી આપતા અને અન્ય પ્રેમ સંબંધોમાં ખોવાયેલા રહે છે. આ લોકો કોઇપણ કારણે બંધાઇને રહી શકતા નછી, તેમનું મન અહીંથી ત્યાં ભટક્યા કરે છે.
કર્ક રાશિઃ-(ડ.હ)
જ્યોતિષ શાસ્ત્ર મુજબ કર્ક રાશિવાળા વ્યક્તિ પ્રેમ વિષયમાં ઘણા મૂડી હોય છે. આ લોકો પોતાના સંબંધો પ્રત્યે પ્રામાણિક હોય છે અને તેમની જવાબદારી પર તેઓ ખૂબ જ નિભાવે છે. ઘણીવાર તેમના વૈવાહિક જીવનમાં માતા-પિતાના હસ્તક્ષેપના કારણે ઘણી પરેશાનીઓ ઉત્પન્ન થાય છે. તેઓ પોતાના જીવનસાથી અથવા પ્રેમીની ભાવનાઓની કદર કરે છે.
સામાન્ય રીતે તેમના જીવનમાં વિવાહ પછી ઘણા પરિવર્તનો આવી જાય છે અથવા એવું કહેવામાં આવે કે મોટાભાગની કર્ક રાશિવાળોનો ભાગ્યોદય લગ્ન પછી જ થાય છે. પ્રેમ સંબંધોને લઇને આ લોકોમાં નિર્ણય લેવાની ક્ષમતા એટલી રાશિ હોતી નથી, તેમનું મગજ સ્થિર નથી રહી શકતું.
સિંહ રાશિઃ- (મ.ટ)
સિંહ રાશિના લોકો એવી અવાજના ધની હોય છે, જેને સાંભળીને યુવતીઓ તેમનાથી પ્રભાવિત થયા વિના રહી શકતી નથી. આ લોકોનું વ્યક્તિત્વ સિંહની સમાન હોય છે. આ લોકો ખુલ્લા વિચારોવાળા હોય છે અને આકર્ષક વ્યક્તિત્વના ઘની હોય છે. આ રાશિવાળા લોકો સારા પ્રેમી હોય છે અને તેમનો પ્રેમ સંબંઘ ઘણી હદ સુધી સફળ પર રહે છે.
પ્રેમ સંબંધોને લઇને તેમને વિશેષ મહારત હાસિંલ હોય છે. સિંહ રાશિવાળા લોકોને આદર્શ પ્રેમી કહી શકાય છે. આ લોકો ભાવુક અને સુંદર શરીર ધરાવનાર હોય છે. સાથે જ, આ લોકો વૈવિહિક જીવનને અંત સુધી નિભાવે છે.
કન્યા રાશિઃ-(પ.ઠ.ણ)
કન્યા રાશિના લોકોની ગણતરી મહાન પ્રેમીઓમાં થઇ શકતી નથી. આ રાશિના લોકો આકર્ષક વ્યક્તિત્વના ધની હોય છે. કોઇપણને પ્રભાવિત કરવામાં તેમને મહારત હાસિંલ થાય છે. જોકે, આ રાશિના લોકોને સારા પ્રેમીઓની શ્રેણીમાં રાખી શકાય છે. આ રાશિના લોકો સારા અને પ્રામાણિક જીવનસાથી સિદ્ધ થાય છે.
આ રાશિના લોકોનું વૈવાહિક જીવન ઘણું મજબૂત હોય છે. પોતાના પરિવાર પ્રત્યે તેમને ઉંડી લાગણી હોય છે, પરિવાર માટે કંઇપણ ત્યાગ કરી શકે છે. આ રાશિના લોકોના વિચાર માત્ર તેમના શારિરીક સુખ પ્રાપ્ત કરવા માટે નથી હોતા પરંતુ તેમના હ્રદયથી હ્રદયને મળવું વધારે જરૂરી હોય છે.
તુલા રાશિઃ-(ર.ત)
જ્યોતિષ શાસ્ત્ર મુજબ તુલા રાશિના લોકોની ગણતરી મહાનતમ પ્રેમીઓમાં કરી શકાય છે. કારણ કે, આ રાશિના લોકો પ્રેમની ઉંડાઇને ઘણી સારી રીતે જાણી શકે છે. આ લોકો ક્યારેય એકલું રહેવું પસંદ કરવા નથી, દુઃખની પરિસ્થિતિમાં તેમને કોઇ મિત્ર અથવા પ્રેમીની સાથે વધારે લોકોની મદદની જરૂર હોય છે.
તેમનું વ્યક્તિત્વ ઘણું આકર્ષક હોય છે જે અન્ય લોકોને તેમની કરફ આકર્ષિત કરે છે. આ રાશિના લોકોને મળીને કોઇપણ વ્યક્તિ તરત જ મોહિત થઇ જાય છે. આ રાશિના પ્રેમી કોઇ પણ વ્યક્તિને મળીને તેમના સ્વભાવ વિશે અંદાજો લગાવી શકે છે. આ રાશિના લોકોનો પ્રેમ એક પવિત્ર બંધન સમાન હોય છે.
વૃશ્ચિક રાશિઃ- (ન.ય)
વૃશ્ચિક રાશિના લોકો વિવાહ પૂર્વે ઉચ્ચ આદર્શ પ્રેમી હોય છે. પોતાના પ્રેમી માટે કંઇપણ કરી શકે છે અને બધું જ ત્યાગ કરવા પણ તૈયાર રહે છે. જ્યોતિષ શાસ્ત્ર મુજબ વૃશ્ચિક રાશિના પ્રેમી પોતાના સાથી પ્રત્યે બધી જ રીતે પ્રામાણિક રહેવાનો પ્રયાસ કરે છે. આ રાશિવાળા લોકોમાં ઇર્ષ્યાની ભાવના પણ ઘણી વધારે હોય છે.
આ લોકો પોતાની પ્રેમી અથવા જીવનસાથીની રક્ષા માટે હંમેશા તૈયાર રહે છે. તેમને પરિવાર અને મિત્રોથી પણ પૂરો સહયોગ પ્રાપ્ત થાય છે. તેમને રોમેન્ટિક પ્રેમિઓની શ્રેણીમાં રાખી શકાય છે. તેમનું શારીરિક સૌન્દર્ય જોવાથી જ બને છે, જેનાથી વિપરીત લિંગ તેમના પ્રત્યે ખૂબ જ આકર્ષિત થઇ જાય છે.
ધન રાશિઃ- (ભ.ધ.ફ.ઢ)
આ રાશિના પ્રેમી ઘણા સંવેદનશીલ અને સુખમિજાજ હોય છે. આ રાશિના લોકો દરેક પળને આનંદથી વિતાવે છે. જ્યોતિષ શાસ્ત્ર મુજબ ધન રાશિના વ્યક્તિ સારા પ્રેમી હોય છે પરંતુ લાંબા સમય સુધી તેમનો પ્રેમ સંબંધ ટકી શકતો નથી. આ કારણથી તેમના ઘણા પ્રેમી પણ હોય છે. તેમને હંમેશા નવા ચહેરા આકર્ષિત કરતા રહે છે.
એક પ્રેમીની સાથે હમેશાં બંધાઇને રહેવું તેમના સ્વભાવમાં નથી હોતું જેનાથી ઘણીવાર તેમના જીવનસાથી અથવા પ્રેમીથી વિવાદ પણ થઇ જાય છે. મોટાભાગે આ રાશિના લોકો પ્રેમમાં દગો મળવાથી દુઃખી જરૂર થાય છે પરંતુ જલ્દી જ પોતાના નવા સાથીની શોધ પણ કરી લે છે.
મકર રાશિઃ-(ખ.જ)
મકર રાશિના લોકો થોડા જીદ્દી સ્વભાવના હોય છે. જ્યોતિષ શાસ્ત્ર મુજબ આ સ્વભાવને કારણે તેમના પ્રેમ સંબંધમાં ઘણી પરેશાનિઓનો સામનો પણ કરવો પડે છે. આ લોકો પોતાના જીવનસાથીને ખૂબ જ પ્રેમ કરે છે અને તેમની સુરક્ષા પણ કરે છે પરંતુ પોતાની આદતોને કારણે ઘણીવાર તેમના ઝગડા પણ થઇ જાય છે.
મકર રાશિવાળા પ્રેમિઓને સારા પ્રેમીઓની શ્રેણીમાં નથી રાખી શકાતા કારણ કે તેમનો બદલતો સ્વભાવ તેમની લવ લાઇફને પ્રભાવિત કરે છે. પરપંતુ આ રાશિના લોકો એકવાર જેને પોતાના માની લે છે તેમની પ્રત્યે પૂરી પ્રામાણિકતા રાખે છે, મકર રાશિના લોકોમાં આ જ તેમનો સૌથી ખાસ ગુણ છે.
કુંભ રાશિઃ-(ગ.સ.ષ.શ)
જ્યોતિષ શાસ્ત્ર મુજબ આ રાશિના પ્રેમી ઘણા ભાવુક અને દરેક કાર્યને હ્રદયથી કરનારા હોય છે. આ રાશિના લોકો થોડા મુડી હોય છે. તેમનો પ્રેમ ચિર સ્થાળી હોય છે. પ્રેમમાં આ લોકો અતિ ભાવુક થઇ જાય છે. આ લોકો કોઇ અજાણ્યા લોકો સાથે પણ નિઃસ્વાર્થ પ્રેમ કરે છે. મનથી ચંચળ હોવાને કારણે તેમને હમેશાં કંઇક નવું કરવાની આદત હોય છે.
આ રાશિના લોકો પોતાનું જીવન સ્વતંત્રતાથી જીવવું પસંદ કરે છે. પોતાના જીવનસાથી પર પૂરો વિશ્વાસ રાખે છે. ગુસ્સો આ રાશિના લોકોને ખૂબ જ ઓછો આવે છે પરંતુ જ્યારે પણ આવે છે તેઓ નિયંત્રણ રાખી શકતા નથી. તેના પરિણામ સ્વરૂપ તેમને ઘણી પરેશાનીઓનો સામનો પણ કરવો પડે છે.
મીન રાશિઃ-(દ.ચ.ઝ.થ)
મીન રાશિના પ્રેમીનો સ્વભાવ માછલી જેવો હોય છે. એટલે કે, આ રાશિના લોકોમાં તેવા જ ગુણ હોય છે. આ રાશિના લોકો અતિ ભાવુક હોય છે. જ્યોતિષ શાસ્ત્ર મુજબ ભાવુકતાના કારણે આ લોકો ખૂબ જ જલ્દી વિપરિત લિંગ પ્રત્યે આકર્ષિત થઇ જાય છે અને તેમના પ્રેમમાં પડી જાય છે. તેમને કોઇપણ વ્યક્તિ સરળતાથી પ્રભાવિત કરી શકે છે.
આ લોકો પ્રેમમાં અતૂટ સંબંધ બનાવી રાખવા માંગે છે પરંતુ તેમનું હ્રદય વારંવાર તૂટી જાય છે. જોકે, આ રાશિના લોકોની લવ લાઇફ સામાન્ય જ રહે છે. તેમની વિચારધારા હોય છે કે, તેમનો લવ પાર્ટનર તેમના પ્રત્યે પૂર્ણ સહાનુભૂતિ રાખે અને સમજદાર રહે.



માત્ર એક ફોનકોલ જીવન બદલી શકે છે!

શું તમે હતાશ છો? મનમાં આત્મહત્યાના વિચાર આવે છે ? એઈડસની કે કોઈ ગુપ્તરોગની માહિતી મેળવવી છે ? અત્યાચારનિ ભોગ બનેલ કોઈ મહિલાએ માર્ગદર્શન મેળવવું છે કે અસ્તે રઝળતા કોઈ બાળકને આશ્રયસ્થાને મોકલવું છે આ તમામ સેવાઓનો લાભ હેલ્પલાઈનની મદદથી માત્ર એક ફોન કોલ કરીને મેળવી શકો છો.મોટાભાગની હેલ્પલાઈન ટોલ ફ્રી છેેટલે કે ફોન કરનારને કોઈ ખર્ચ ભોગવવો પડતો નથી.સાથે સાથે આ હેલ્પલાઈન વ્યવસ્થાનો ફાયદો એ છે કે તે ૨૪ કલાક તેની સેવા આપે છે.હેલ્પલાઈનની મદદ લેનારની ઓળખાણ ગુપ્ત રહે છે જે તેની સૌથી મોટી ખાસિયત છે.

એઈડસ: ૧૦૫૧ હેલ્પલાઈન

આત્મહત્યા નિવારણ
૧૦ સપ્ટેમ્બરનો દિવસ સમગ્ર વિશ્વમાં આત્મહત્યા નિવારણ દિવસ તરીકે ઓળખાય છે.
આપઘાતનો વિચાર આવે તે હેલ્પલાઈન નં-9824067691 )સધિયારો  ફ્રી હેલ્પલાઈન

એક સરવે પ્રમાણે આત્મહત્યાથી થતાં મોતની સંખ્યા ખૂન કે અકસ્માત કરતાં પણ વધારે છે અને આત્મહત્યા પાછળનું સૌથી મહત્વનું કારણ ડિપ્રેશન હોય છે. જો કે, આવી વ્યક્તિઓને સમયસર કોઈ સહાય મળી જાય તો તેમનું જીવન બચાવી શકાય છે. આત્મહત્યાના વિચારો આવતા હોય તેવી કોઈપણ વ્યક્તિ હેલ્પલાઈનનો ઉપયોગ કરી શકે છે. આત્મહત્યા એક નિવારી શકાય તેવી સમસ્યા છે.
લોકો આર્થિક, સામાજિક કે વ્યક્તિગત તણાવને કારણે પોતાનો જીવ પોતે જ લઈ લે છે. દારૂ કે અન્ય પ્રકારના નશા પણ વ્યક્તિને આત્મહત્યા તરફ દોરી જાય છે.

આત્મહત્યા કરતી વ્યક્તિઓમાંથી ૯૦ ટકા અંતિમ પગલું ભરતા પહેલા કુટુંબીજન, મિત્ર કે ડોક્ટર પાસે તે પ્રકારના વિચારો સીધી કે આડકતરી રીતે રજૂ કરતી હોય છે.

જો તેવા સમયે તેમને કોઈ સહાય મળી જાય તો તેમના વિચારોમાં પરિવર્તન કરી શકાય છે. માનસિક રોગ વિભાગ દ્વારા શરૂ કરાયેલી હેલ્પલાઈનના ફોન નંબરો ઉપર કોઈપણ વ્યક્તિ નિ:સંકોચપણે સંપર્ક કરી શકે છે.
ભારતમાં દર વર્ષે દર દસ હજારે ૧૧ વ્યક્તિ આપઘાત કરી લે છે

મહિલાઓ સામે થતા અત્યાચાર

181 અભયમ હેલ્પલાઇન
‘અભયમ’ કોઈનાથી ડરવુનહી
સ્ત્રી હક્કના રક્ષણ માટે આ હેલ્પલાઇન છે
સ્ત્રી હક્કના રક્ષણ માટે સરકારે વિકસાવેલી આ હેલ્પલાઇનનો ઉપયોગ મહિલાઓ કોઇ પણ મુશ્કેલી હોય કે પછી સલાહ કે સ્થળાંતરની જરૂર હોય ત્યારે કરી શકે છે.
અભયમ સેવા મહિલાઓને કઇ બાબતોમાં મદદ કરી શકે?

– મહિલા સાથે થતી હિંસા (શારીરિક, જાતિય, માનસિક, આર્થિક તેમજ કાર્યના સ્થળે જાતિય સતામણી)
– લગ્નજીવન તેમજ અન્ય સંબંધોમાં વિખવાદ
– જાતિય તેમજ બાળક જન્મને લગતી બાબતો
– કાનૂની જોગવાઇઓની પ્રાથમિક માહિતી
– માહિતી (કાર્યક્રમો, યોજનાઓ, સેવાઓ)
અભયમ સેવાનો ઉપયોગ કોણ કરી શકે?
14 વર્ષથી વધું ઉમરની કોઇ પણ મહિલા કે યુવતી આ સેવાનો ઉપયોગ કરી શકે છે. આ હેલ્પલાઇન ઉપર સંપર્ક કરનાર મહિલાની ઓળખ ગુપ્ત રાખવામાં આવે છે. સાથોસાથ આ હેલ્પલાઇન અંતર્ગત ફોન પર માર્ગદર્શન, સલાહ-સૂચન, હિંસાના સંજોગોમાં તાત્કાલિક બચાવ તેમજ મહિલાઓની યોજનાની માહિતી આપવામાં અાવે છે.

ચાઈલ્ડ હેલ્પલાઈન
ચાઈલ્ડ ફોન હેલ્પલાઈન-1098 વિશે જાણીએ
‘ચાઈલ્ડલાઈન’એ મહિલા અને બાળ વિકાસ અધિકારિતા મંત્રાલય, ભારત સરકારનો પ્રકલ્પ છે. ચાઈલ્ડલાઈન એ 24 કલાકની, 365 દિવસની બાળકો માટેની મફત ફોન સેવા છે. તે મુશ્કેલીમાં મૂકાયેલા, જરૂરિયાતમંદ, અનાથ અને નિરાધાર બાળકો માટેની હેલ્પલાઈન છે. ‘ચાઈલ્ડલાઈન’ દ્વારા જરૂરિયાતમંદ બાળકોને આશ્રય, તબીબી, પુનર્વસન અને અભ્યાસ માટેની મદદ પૂરી પાડવામાં આવે છે.

કોઈ બાળક કામના સ્થળે માલિક દ્વારા શોષણનો ભોગ બન્યું હોય તેને માલિકના શોષણમાંથી છોડાવવામાં ‘ચાઈલ્ડલાઈન’ મદદરૂપ થાય છે. ‘ચાઈલ્ડલાઈન’ ભારત દેશમાં 83 જેટલાં વિવિધ શહેરોમાં કાર્યરત છે. ‘ચાઈલ્ડલાઈન’ મહિલા અને બાળ અધિકારિતા મંત્રાલય, ભારત સરકારનો પ્રકલ્પ હોવાથી ‘ચાઈલ્ડલાઈન’ને 1098નો હેલ્પ લાઈન નંબર આપવામાં આવ્યો છે.
ગુજરાત રાજ્યમાં વડોદરા અને અમદાવાદ શહેરમાં ‘ચાઈલ્ડલાઈન’ ભારત સરકાર દ્વારા ફાળવવામાં આવી છે. અમદાવાદ શહેરમાં ‘ચાઈલ્ડલાઈન’-કોલેબ અમદાવાદ સ્ટડી એક્શન ગ્રુપ (અસાગ) સંસ્થા દ્વારા અને ‘ચાઈલ્ડલાઈન’-નોડેલ ગૂજરાત વિદ્યાપીઠ, અમદાવાદના સહયોગથી જાન્યુઆરી 2001થી કાર્યરત છે.
નિરૂપાબહેન શાહ
સીટી કો-ઑર્ડિનેટર
ચાઈલ્ડલાઈન, નોડેલ
શાળા માં ન જતા બાળકોની માહિતી પુરી પાડોઃ હેલ્પલાઈન નં.૧૮૦૦-૨૩૩-૭૯૬૫
ભારત સરકાર ધ્વારા ૬ થી ૧૪ વાયજૂથના તમામ બાળકોને મફત અને ફરજિયત શિક્ષણ પ્રાપ્ત થાય તે હેતુથી સંસદમાં “ધી રાઈટ ઓફ ચિલ્ડ્રન ટુ ફ્રી એન્ડ કમ્પલસરી એજ્યુકેસન –એકટ, ૨૦૦૯” પસાર કરીને તમામ બાળકોને મૂળભૂત બંધારણીય અધિકારી આપેલ છે. જેનો સમગ્ર દેશમાં તા.૧/૪/૨૦૧૦થી અમલ શરૂ થયેલ છે. રાઈટ ટુ એજ્યુકેસન, એકટ -૨૦૦૯નિ જોગવાઈઓ અનુસાર ૬ થી ૧૪ વયજૂથના શાળા બહારના અને સ્થળાંતર કરતાં બાળકોના શૈક્ષણિક પુન:વસન માટે “સર્વ શિક્ષા અભિયાન, ગાંધીનગર” ધ્વારા ૧,ઓક્ટોબર ૨૦૧૧થી હેલ્પલાઈન નં.(ટોલ ફ્રી નં.)૧૮૦૦-૨૩૩-૭૯૬૫ શરૂ કરવામાં આવેલ છે. આ નંબર પર કચેરીના કામકાજના દિવસોમાં ૧૧:૦૦ થી ૧૭:૦૦ કલાક દરમ્યાન સંપર્ક સાધી શકશે અને વિગતો નોંધાવી શકશે. તેમજ ઓનલાઈન પણ વિગતો નોંધાવી શકશે. હેલ્પલાઈન નં. (ટોલ ફ્રી નંબર) : ૧૮૦૦-ર૩૩-૭૯૬૫ (1800-233-7965)

વ્હિસલ બ્લોઅર હેલ્પલાઈન (માહિતી અધિકાર)
હેલ્પલાઈન નંબર ૯૯ર૪૦ ૮પ૦૦૦
ફેક્સ નંબર ૦૭૯ ર૬૮ર૧પપ૩
કેન્દ્ર સરકારે બનાવેલા માહિતી અધિકારના કાયદાને આવતીકાલે પાંચ વર્ષ પૂર્ણ થઈ રહ્યા છે. ત્યારે માહિતી અધિકાર ગુજરાત પહેલ નામની સંસ્થા દ્વારા આવતીકાલથી રાજ્યમાં વ્હિસલ બ્લોઅર હેલ્પલાઈનનો પ્રારંભ કરવામાં આવનાર છે. આ સંસ્થાએ ચાલુ કરેલી માહિતી અધિકાર હેલ્પલાઈનમાં છેલ્લા એક વર્ષમાં પ૮,૩૦૭ લોકોએ માહિતી અધિકારને લગતી સમજ મેળવી છે. વ્હિસલ બ્લોઅર હેલ્પલાઈનનો ઉદ્દેશ આરટીઆઈ કરનારાઓ પર જોખમ હોય તો તેમને રક્ષણ આપવાનો છે.
આ અંગે ગુજરાત પહેલ સંસ્થાના પંક્તિ જોગે જણાવ્યું હતું કે આરટીઆઈ હેઠળ જ્યારે કોઈ વ્યક્તિ માહિતી માંગે છે ત્યારે તે અરજી કરનારાઓ ઉપર તમામ બાજુએથી દબાણો-ધમકી આવવા માંડે છે. આવા સમયે તે એકલો પડી જાય છે. પરિણામે તેને ડરીને-ધમકાવીને અરજીઓ પાછી ખેંચાવી લેવાય છે. અથવા તો તેઓ હુમલાઓના ભોગ બને છે. આથી જ્યારે પણ આરટીઆઈ કરનારી વ્યક્તિ આવી કોઈ મુશ્કેલીમાં હોય ત્યારે તે તેની મુશ્કેલી તુરંત જણાવી શકે અને તેને તુરંત મદદ મળી શકે. કોઈ પણ નાગરિક કે જેમણે માહિતી અધિકારનો ઉપયોગ કર્યો હોય અને તેની સામે જાનનું જોખમ ઊભું થાય તો તે પરિસ્થિતિમાં નાગરિક તાત્કાલિક હેલ્પલાઈન નંબર ૯૯ર૪૦ ૮પ૦૦૦ પર સંપર્ક કરી શકે છે. તદ્દઉપરાંત ફેક્સ નંબર ૦૭૯ ર૬૮ર૧પપ૩ પર ફેક્સ દ્વારા પણ ફરિયાદ કરી શકે છે.


22 November 2014

morari bapu

love is not a bump

loading...

karm ej puja

loading...

bhadrayu vacharajani


loading...loading...

ઈચ્છામૃત્યુ કે ઈચ્છાજીવન ?

ઈચ્છામૃત્યુ કે ઈચ્છાજીવન ?

–મુરજી ગડા
મહાભારતની કથામાં પીતામહ ભીષ્મને ઈચ્છામૃત્યુનું વરદાન મળેલું હોવાનુ કહેવાય છે. વર્તમાનમાં, જાતજાતનાં કારણોસર નાનામોટા ઘણા લોકોના આત્મહત્યાના સમાચાર છાપામાં અવારનવાર વાંચવામાં આવે છે. તાજેતરના અહેવાલ મુજબ 2012માં ભારતમાં કુલ 02 લાખ 58 હજાર લોકોએ આત્મહત્યા દ્વારા પોતાનું જીવન ટુંકાવ્યું હતું. એમનું મૃત્યુ કુદરતી નહીં; અકસ્માત નહીં; બલકે સ્વેચ્છાએ નોતરેલું હતું. આને સ્વેચ્છામૃત્યુ/ઈચ્છામૃત્યુ ન કહેવાય તો બીજું શું કહેવાય ? આનો મતલબ એ થયો કે ઈચ્છામૃત્યુનું ‘વરદાન’ માત્ર ભીષ્મને નહીં; બલકે બધાંને જ મળેલું છે. ભીષ્મને મળેલું વરદાન ‘ઈચ્છામૃત્યુ’નુ નહીં; પણ ‘ઈચ્છાજીવન’નું હતું એમ કહેવું વધારે યોગ્ય રહેશે. તેઓ ઈચ્છે એટલું લાંબું જીવી શકતા હતા; છતાં અમરત્વ નહોતું મળ્યું ! આ લેખમાં આપણે ઈચ્છાજીવન અને ઈચ્છામૃત્યુ બન્નેની વાત કરવી છે.
ઈચ્છીએ કે ન ઈચ્છીએ, દરેકનું મૃત્યુ ચોક્કસ છે. છતાં ઘણા લોકો એ વીશે વાત કરતા અજંપો/અકળામણ અનુભવે છે. એની ચર્ચા ટાળવાથી એને કોઈ ટાળી શકતું નથી. જો કે વૈજ્ઞાનીક શોધોને લીધે હવે એને જરુર પાછળ ઠેલી શકાય છે. એ જ્યાં સુધી નથી આવતું, ત્યાં સુધીનું જીવન આપણું છે. કેટલું અને કેવી રીતે જીવીએ તે પણ અમુક અંશે આપણા હાથમાં છે.
કોઈપણ આત્મહત્યાનો બનાવ એ કરુણ બાબત છે. સમાચારમાં આત્મહત્યા માટેનાં 5–6 મુખ્ય કારણો પણ આપ્યાં હતાં. એમાંથી યુવાનો દ્વારા કરાતી આત્મહત્યાનાં કારણ મોટેરાઓને ગૌણ લાગે છે અને નીવારી શકાય એવાં પણ હોય છે. મધ્યમ ઉંમરના કીસ્સામાં મોટેભાગે તે આર્થીક કારણોસર હોય છે અને સ્ત્રીઓના કીસ્સામાં બહુધા કૌટુંબીક કારણોસર હોય છે. લગભગ બધાને આ ખબર છે. એની ચર્ચા આ લેખનો વીષય નથી.
મોટી ઉંમરની વ્યક્તીઓ દ્વારા કરાતા આપઘાતનાં કારણ બહુદા  ‘માંદગીથી કંટાળી/જીવનથી કંટાળી’ જીવન ટુંકાવવાનાં હોય છે. મોટી ઉમરમાં ઈચ્છામૃત્યુ ઈચ્છતી દરેક વ્યક્તી માત્ર અસાધ્ય રોગ વખતે જ એવું ઈચ્છે છે એ જરુરી નથી. એમણે પોતાની વર્તમાન જીન્દગી માન્ય ન હોવાથી ટુંકાવી હોય એવી ઘટનાઓ બને જ છે. એની પાછળનાં કારણ ઘણાં હોઈ શકે છે, જે  ‘યુથનેસીયા’ની વ્યાખ્યામાં નથી આવતાં, તેમ જ કાયદાની ચર્ચામાં પણ આવતાં નથી. કાયદો આને માન્ય ન રાખે એ સમજી શકાય છે. છતાં આ એક કરુણ વાસ્તવીકતા હોવાથી એની ચર્ચા કરવી અસ્થાને નથી.
એક રીતે જોઈએ તો જીવનનો અંત ચાર તબક્કામાં આવી શકે છે. અંતની શરુઆતનો પહેલો તબક્કો છે, કૌટુંબીક અને સામાજીક જવાબદારીઓથી હાથ ઉંચા કરી દેવાનો. જો કે બધા આવું નથી કરતા; પણ ઘણા લોકો પોતાની વ્યાવસાયીક નીવૃત્તી પછીના સમયે, જ્યારે એમનાં સંતાનો પરણી જાય અને કમાતા થાય ત્યારે આવું કરતા જોયા છે. અજાણતામાં પણ તેઓ મુસીબતોને નોતરે છે.
નીવૃત્તીનો અર્થ ‘અર્થોપાર્જનમાંથી નીવૃત્તી’ છે, ‘કાર્યશીલતાનો સદંતર અભાવ’ નથી. એનો અર્થ પ્રવૃત્તીની દીશા બદલવાનો છે. શક્ય હોય તો, ‘સ્વ’ ના બદલે ‘પર’નો વીચાર કરવાનો છે. સામાન્ય રીતે વ્યાવસાયીક નીવૃત્તી 60–65 વર્ષે આવે છે. આજના સમયમાં આ ઉંમરે મોટાભાગનાં સ્ત્રી/પુરુષ શારીરીક અને માનસીક રીતે સ્વસ્થ/તંદુરસ્ત હોય છે. ત્યારે બધી જવાબદારીઓથી હાથ ઉંચા કરી દેવા એ યોગ્ય નથી. જેઓ એવું કરે છે, તેમના અંતનો પહેલો તબક્કો શરુ થાય છે એમ કહી શકાય. આ તબક્કાને ટાળવો કોઈના માટે પણ ખાસ અઘરું નથી.
વ્યક્તીના અંતનો બીજો તબક્કો ત્યારે આવે છે, જ્યારે એને એવું લાગવા માંડે છે કે હવે ઘરમાં/ કુટુંબમાં એનું પહેલા જેવું માન નથી રહ્યું; એ કુટુંબપર બોજ બની રહ્યા છે. વધુ અગત્યનું એ છે કે આ માત્ર એમની આશંકા નહીં; પણ વાસ્તવમાં સાચું હોય. કમનસીબે આવું ઘણા કીસ્સામાં બનતું હોવાનું જોયું/ જાણ્યું છે. આની પાછળ વાજબી–ગેરવાજબી જે પણ કારણ હોય; આ પરીસ્થીતીમાં સપડાયેલ વડીલ વ્યક્તીના શારીરીક અને માનસીક સ્વાસ્થ્ય પર એની અવળી અસર અવશ્ય પડે છે. આ તબક્કાનો સાવ વીકલ્પ નથી એમ પણ નથી. અમુક અંશે આ પણ નીવારી શકાય છે.
અંતનો ત્રીજો તબક્કો છે શારીરીક કે માનસીક રીતે પરવશ થઈ જવાનો. લકવો થવો, અકસ્માતને લીધે પક્ષાઘાત થવો, મોટી ઉંમરે પડી જવાથી હાડકાં ભાંગી જવાં કે પછી ઉંમરને લીધે અતીશય શારીરીક નબળાઈ આવી જવી વગેરે કેટલાંક કારણોસર વ્યક્તી મોટેભાગે પરવશ તો ક્યારેક તદ્દન પથારીવશ બની જાય છે. ચીકીત્સા ક્ષેત્રે થયેલી પ્રગતીને લીધે આવી સ્થીતીમાં પણ દરદી લાંબો સમય, ક્યારેક દાયકા સુધી પણ, જીવીત રહી શકે છે. દરદી તેમ જ સમસ્ત કુટુંબ માટે આ એક ખુબ જ કઠીન સમય હોય છે. ગમે તેટલો પ્રેમ અને સમર્પણની ભાવના હોય તોયે, સંભાળ રાખનારની ધીરજની પણ એક મર્યાદા હોય છે. અંગ્રેજીમાં એને ‘CARE GIVER’S BURNOUT’ કહે છે. આવું કોઈ સાથે ન થાય એવું આપણે ઈચ્છીએ; તોયે એને રોકવો કોઈના હાથમાં નથી. સદનસીબે બધાને આ તબક્કામાંથી પસાર થવું પડતું નથી.
આમાં વળી, હાલ એક નવા પ્રકારના સંજોગો ઉભા થયા છે. નવી પેઢીના યુવાનોને પોતાના વ્યવસાય અર્થે અન્ય શહેર કે અન્ય દેશમાં જવાનું થાય છે. પરીણામે મોટી ઉંમરના વૃદ્ધ માતાપીતા એકલાં થઈ જાય છે. એમને એકબીજાની સંભાળ લેવી પડે છે. ધંધાદારી/બહારી મદદ મળી શકે; પણ એની એક મર્યાદા હોય છે. જે લોકો પુરી જીન્દગી ખુબ સ્વમાનભેર સ્વાવલંબી જીવન જીવ્યાં હોય એમના માટે પરવશ હાલતમાં જીવ્યે રાખવું આંતરીક રીતે ખુબ પીડાદાયક બને છે. એટલું જ નહીં, એમની સંભાળ રાખનારને આપવો પડતો ભોગ પણ એમને દુ:ખી કરે છે. આવી સ્થીતી ખુબ લાંબી ચાલતી હોવા છતાં મેડીકલ ભાષામાં ‘અસાધ્ય’ નથી ગણાતી. એવામાં જો એક પાર્ટનરનું મૃત્યુ થાય તો પરીસ્થીતી વધુ વણસે છે. પાછળ રહેનાર વ્યક્તી મનથી ભાંગી પડે છે.
 અંતનો ચોથો તબક્કો મૃત્યુ પહેલાંની છેલ્લી માંદગી છે. પાછું એ જ કારણ કે ચીકીત્સા ક્ષેત્રે થયેલી પ્રગતીને લીધે હૉસ્પીટલો દુષ્કર ગણાતા કેસને પણ સારો એવો સમય જીવીત રાખી શકે છે. જુદાં જુદાં સાચાં-ખોટાં કારણોસર હૉસ્પીટલના રોકાણને લંબાવાતું હોય એવું પણ બને છે. સર્વેક્ષણોમાં એવું તારણ નીકળ્યું છે કે માણસ પોતાની પુરી જીન્દગીમાં બધા પ્રકારની સારવાર પાછળ જેટલો ખર્ચ કરે છે, એનાથી વધારે ખર્ચ એની છેલ્લી માંદગીમાં થાય છે. છેલ્લી માંદગી એને કહેવાય, કે જેમાંથી એ સાજો થઈ ઘરે પાછો નથી આવતો.
બધાને પહેલા ત્રણમાંના દરેક તબક્કામાંથી પસાર થવું પડતું નથી; પણ ચોથા તબક્કામાંથી મોટી ઉંમરના બહુધા લોકો જાય છે. સામાન્ય રીતે આ સમયે દર્દી પોતે કોઈ પણ નીર્ણય કરવા જેવી સ્થીતીમાં હોતો નથી. એના જીવનનો નીર્ણય એના કુટુંબીજનોના હાથમાં હોય છે. સરકાર ઈચ્છામૃત્યુને કાયદેસર નથી કરતી; કારણ કે અહીં કાયદાનો ગેરલાભ લેવાની શક્યતા ખુબ વધી જાય છે.  આવા સંજોગોમાં દરેક વ્યક્તી પોતાના વસીયતનામા સાથે પોતાની છેલ્લી સારવાર વીશે પણ લખી જાય તો કુટુંબીજનોપર નીર્ણયનો બોજો ઓછો થઈ શકે છે.
ગરીબ લોકો માટે પૈસાના અભાવે અઘરો નીર્ણય પણ પ્રમાણમાં સહેલો બની જાય છે. પૈસાના અભાવે તેઓ મોંઘી સારવાર લઈ શકતા નથી; એટલે હૉસ્પીટલો પણ સમજીને એમની પાસેથી એવી અપેક્ષા રાખતી નથી. સરકારી કે અમુક ખાનગી હૉસ્પીટલના જનરલ વોર્ડમાં દાખલ થનાર દર્દી ‘મરવા’ માટે આવ્યો છે એવું સમજી એની સારવારમાં બેદરકારી દાખવવામાં આવતી હોવાના કીસ્સા સાંભળ્યા છે. જો આ સાચું હોય તો આને ‘પૅસીવ યુથનેસીયા’ કહેવાય કે નહીં ? સરકારી હૉસ્પીટલોમાં આ થતું હોય તો આજ સુધી કેટલા ડોક્ટરો/ અધીકારીઓને સજા થઈ છે ?
ધનીકો માટે પૈસાનો સવાલ નડતો ન હોવાથી એમના માટે નીર્ણય સહેલો થઈ જાય છે. માત્ર મધ્યમ વર્ગના લોકો જ અવઢવમાં મુકાય છે. એમના માટે માત્ર પૈસા જ એક સમસ્યા નથી; બલકે બહોળા કુટુંબની તેમ જ સમાજની સંભવીત ટીકાનો પણ વીચાર કરવો પડે છે. કમનસીબે આર્થીક રીતે મધ્યમ વર્ગના ગણાતા લોકો માટે એમના ખરા વારસદાર, પુત્ર/પુત્રી નહીં; પણ ‘હેલ્થ કેર ઈન્ડસ્ટી’/ ‘હૉસ્પીટલ’ બની જાય છે. આ કરુણ વાસ્તવીકતા છે.
અહીં પણ કુટુંબીજનો ઈચ્છે ત્યારે દરદીને ઘરે લઈ જઈ શકે છે. એના માટે ‘અગેન્સ્ટ મેડીકલ ઍડવાઈસ’નું ફોર્મ સાઈન કરવાનું હોય છે. આ રીતે મેડીકલ સારવાર અટકાવવી એને પણ ‘પૅસીવ યુથનેસીયા’ કહેવાય આવું તો ભારતમાં રોજ અને બધે જ બને છે. આમાં કાયદો વચ્ચે પડતો નથી.
ઈચ્છામૃત્યુની શક્યતા ત્રીજા તબક્કાના કીસ્સામાં પણ ઉભી થઈ શકે છે : ખાસ કરીને એકાકી જીવન જીવતા લોકોમાં. વૃદ્ધાવસ્થા માત્ર શારીરીક અવસ્થા નથી, એ માનસીક અવસ્થા પણ હોઈ શકે છે.  એમના આ નીર્ણય પાછળ સ્વાસ્થ્ય ઉપરાંત અન્ય કેટલાંક કારણો હોય છે. જે પણ ત્યાં પહોંચે છે તેમાંથી માનસીક રીતે સ્વસ્થ દર્દી પોતે પોતાના ભાવી વીશે નીર્ણય કરવાની પોઝીશનમાં હોય છે. વૃદ્ધાશ્રમનો વીકલ્પ એમને મંજુર નથી હોતો. તેઓ કાયદેસર નહીં તો તાર્કીક/ નૈતીક રીતે ‘માનભેર મૃત્યુના’ હકદાર ગણાય કે નહીં એ ઉંડી ચર્ચાનો વીષય છે. આ વીષય ખુબ જ સંવેદનશીલ હોવાથી એના ઉંડાણમાં જવાનું અત્યારે ટાળીએ.
પ્રવર્તમાન કાયદા પ્રમાણે આત્મહત્યા ગુનો ગણાય છે. દરેક ગુના પાછળ કોઈ ગુનેગાર હોય છે. કાયદો આત્મહત્યાની કોશીશ કરનારને ગુનેગાર ગણે છે. જો કે મોટા ભાગના કીસ્સામાં આપણી સમાજવ્યવસ્થા, પરંપરા જે તે સમાજના રીવાજો, વગેરે પણ આડકતરી રીતે ગુનેગાર હોય છે. આવા ગુનેગારોને સજા કરવી શક્ય નથી; પણ ભવીષ્યમાં આવાં કારણોને લીધે આત્મહત્યા ન થાય એના માટે પણ સરકાર કાગળ પર સુધ્ધાં કશું કરે છે ખરી ?
કાયદો તો છેલ્લી ક્ષણ સુધી શક્ય હોય તે સારવારની હીમાયત કરે છે. જે કુટુંબ એટલો ખર્ચ કરી શકવા સમર્થ ન હોય એનો ખર્ચ કોણ આપે ? અને કોઈ તાણી–ખેંચીને જાતે ખર્ચ કરે તો એમની ભવીષ્યની જરુરીયાતો પર ભારે કાપ મુકવાનો વારો આવે. સંતાનોના ભણતરના ભોગે, કે પછી પાયાની સુવીધાઓના ભોગે, વયોવૃદ્ધ વડીલોની આવરદા થોડાં અઠવાડીયાં કે થોડા મહીના લંબાવવાનો નીર્ણય મધ્યમ વર્ગના કુટુંબ માટે ખુબ અઘરો બની જાય છે. આવા સંજોગોમાં કાયદો, નૈતીકતા, પ્રેમ, ધર્મ ઉપરાંત આર્થીક સંજોગો પણ ઘણો ભાગ ભજવે છે. કાયદા બનાવનાર અને એનું પાલન કરનાર આવા પ્રશ્નોનો કેટલો વીચાર કરે છે ? કાયદો અંધ છે અને સમાજ પણ ક્રુર બની શકે છે. આવા અઘરા પ્રશ્નોના ચોખ્ખા ઉત્તર શક્ય નથી. માત્ર અંતહીન ચર્ચા કરી શકાય.
વૈદીક સમાજરચનાની વર્ણવ્યવસ્થાની કાળી બાજુ વીશે મારા લેખોમાં ઘણું કહેવાયું છે. ત્યારની ‘આશ્રમવ્યવસ્થા’ વીશે લખવાનો આજે વારો આવ્યો છે. પ્રાચીન ગ્રંથોમાં વર્ણવાયેલ ‘વાનપ્રસ્થાશ્રમ’ માનવજીવનના 50 અને 60ના દાયકાને લાગુ પડે છે, જેને આગળ વર્ણવાયેલા આપણા અંતના પહેલા અને બીજા તબક્કા સાથે સરખાવી શકાય. ત્યારનો ચોથો તબક્કો ‘સન્યસ્તાશ્રમ’ કહેવાતો. નામ તો રુડુંરુપાળું છે; પણ એનો જરા ઉંડાણમાં વીચાર કરીએ તો સાચો ખ્યાલ આવે. 70 વટાવી ચુકેલ માણસ જંગલમાં કેટલું જીવી શકે ? શું ખાય ? હીંસક પ્રાણીઓથી પોતાને કેવી રીતે બચાવી શકે ? બધા જ શીકારી નહોતા. અને હોય તોયે મોટી ઉંમરે કેટલા કાબેલ હોય ? મહાભારતના અંતમાં, હસ્તીનાપુરના મહારાજ ધૃતરાષ્ટ્રને પોતાની રાણીઓ સાથે જંગલમાં જતો બતાવાયો છે. આને ‘પૅસીવ યુથનેસીયા’ કહેવાય કે નહીં ?
આજનો કે આવનારો કાયદો ગમે તે કહે, ભારતમાં બધું પહેલાંથી ચાલતું આવ્યું છે, આજે પણ ચાલે છે, અને ભવીષ્યમાં પણ ચાલતું રહેવાનું છે. આ સત્યનો સ્વીકાર કરવો રહ્યો. હા, આની તાત્ત્વીક ચર્ચા કરવાની બધાને છુટ છે.

*   *   *  *  *


20 November 2014

મૃત્યુનો ભય કયાં સુધી લાગે છે?વ્યગ્રતામાંથી કોણ બચી શકે ?


bhay

મૃત્યુનો ભય કયાં સુધી લાગે છે?
* જયાં સુધી જીવન પ્રત્યેનું આસર્ષણ છે.
* જિજીવિઆ છે-જીવવાની ઇચ્છા છે.
* સંસાત પ્રત્યેની વાસના છે.


vyagrataa

વ્યગ્રતામાંથી કોણ બચી શકે ?
* જેની વિવેકબુધ્ધિ જાગ્રત હોય.
* જેનું અંત;કરણ શુધ્ધ હોય.
* જે કાંઈ ને કાંઈ ઇશ્વરપ્રીત્યર્થ કરતો હોય.
* જે નિળ્સ્વાર્થી,નિખાલસ,નિર્લોભી,નમ્ર અને નિર્દોષ હોય.
* જેને દુન્યવી પદાર્થ માટે ઝંખના ન હોય.
* જે આત્મરત અને આત્મતૃપ્ત હોય.

19 November 2014

ઉત્તમ પ્રકારનું ધૈર્ય કોને કહેવાય ?




dhery

ઉત્તમ પ્રકારનું ધૈર્ય કોને કહેવાય ?
 * પરિણામની ચિંતા કર્યા વિના કાર્યથી કંટારવું નહી તે. 
* અણગમતિ કે ઉશ્કેરાહટયુકત પરિસ્થિતિમાં પણ ઉગ્ર કે કઠોર વાણીને બદલે કોમળ વાણી બોલવાની જાગૃતિ રાખવી;વાણીને કયારેક ઉગ્ર કે કઠોર ન થવા દેવી. 
* ક્રોધ કરવાનો પ્રસંગ ઊભો થાય તો પ શાંતિ રાખવી.
 * કોઈને શિક્ષા કરવાનું મન થાય તો પ્રથમ પોતાની નબળાઈઓનો વિચાર કરવો અને મનને કઠોર ન થવા દેવું.


16 November 2014

મૃત્યુનો ભય કયાં સુધી લાગે છે?વ્યગ્રતામાંથી કોણ બચી શકે ?

bhay
મૃત્યુનો ભય કયાં સુધી લાગે છે?
* જયાં સુધી જીવન પ્રત્યેનું આસર્ષણ છે.
* જિજીવિઆ છે-જીવવાની ઇચ્છા છે.
* સંસાત પ્રત્યેની વાસના છે.

vyagrataa
વ્યગ્રતામાંથી કોણ બચી શકે ?
* જેની વિવેકબુધ્ધિ જાગ્રત હોય.
* જેનું અંત;કરણ શુધ્ધ હોય.
* જે કાંઈ ને કાંઈ ઇશ્વરપ્રીત્યર્થ કરતો હોય.
* જે નિળ્સ્વાર્થી,નિખાલસ,નિર્લોભી,નમ્ર અને નિર્દોષ હોય.
* જેને દુન્યવી પદાર્થ માટે ઝંખના ન હોય.
* જે આત્મરત અને આત્મતૃપ્ત હોય.

પુનર્જન્મનું કારણ શું ?

janm
પુનર્જન્મનું કારણ શું ?
* અતૃપ્ત વાસનાઓઅ.
* મૃત્યુથી ભોતિક શરીર નાશ પામે છે,પણ સુક્ષ્મ સંસ્કારો ટકી રહે છે એ સંસ્કારો જે પુનર્જન્મનું કારણ બની રહે છે.
* સુક્ષ્મ શરીર અકબંધ બની રહે છે,જીવ પ્રારબ્ધકર્મ અનુસાર સુક્ષ્મ શરીર દ્રારા અવો જન્મ ધારણ કરે છે.
દુનિયાની તકલીફ એ છે કે બધા મૂર્ખો અતિશય આત્મવિશ્વાસથી છલકે છે જ્યારે બુદ્ધિશાળીઓ પાસે છલકે છે શંકાઓ. - બૅર્ટ્રાન્ડ રસેલ (બ્રિટિશ ફિલૉસોફર, ગણિતજ્ઞ) The whole problem with the world is that fools and fanatics are always so certain of themselves, but wiser people so full of doubts• • •→•જિંદગી માં સંબંધો કોબી જેવા જ હોય છે•← જો તમે એને ફોલ્યા જ કરો તો છેવટે કાંઈ જ ના વધે BELIEVING IN YOURSELF IS THE FIRST STEP TO SUCCESS:-ARVIND K.PATEL.WELCOME TO Arvind Patel’s Blogપડકાર જેટલો મોટો સફળતા એટલી જ મોટી- માનવીની ઊંચાઇ તેના ગુણોને લીધે હોય છે, ઊંચી જગ્યાએ બેસવાથી માનવી ઊંચો થઇ જતો નથી