મ ન ગમતાં સંવાદો–૩
“દીકરી, હજી બે દિવસ વધુ રોકાઈ જા તો કેવું સારું ? ”
“ મમ્મી, હું રોકાઈ જાત પણ તમને તો ખબર એને એકલા તકલીફ પડે ”
“ મન ખબર છે પણ તને નથી ખબર ”
“ હું જાણું છું કે તને ભાઈ તરફથી ઘણી તકલીફો છે. પણ મારો ભાઈ કે ભાભી કદી મને ઉંચે સાદે ય બોલાવતા નથી. આટલા દિવસથી રહું છું… કોને ખબર ”
“ કારણ કે તું બે દિવસની મહેમાન, એય સમજે જ છે ને ”
“ તું એ મમ્મી હવે થોડા વર્ષોની જ મહેમાન હઈશ કોને ખબર ! ”
“ મારી મહેમાનગતી પૂરી થાય તો ય સારું દીકરી. ”
“ તું આવું બોલે એટલે ભાઈને પણ લાગી આવે કે નહિ ? ”
“ મને લાગી આવે એવું કેમ નથી વિચારતી ? ”
“ મમ્મી, જો ભાઈ પણ તારો જ દીકરો છે, અને હું પણ તારી જ દીકરી છું. હું તને મારા ઘરે લઇ જાવ તો એ મારી ફરજ છે. ભલે તને મારા ઘરે રોકાવાનો હક્ક ના હોય ! ”
“ હું જાણું છું, પણ કાશ…. ”
“ એક વાત પૂછું મમ્મી ? ”
“ તારે જે પુછવું હોય તે પૂછ ”
“ આ ઘરમાં પહેલા મારો જન્મ થયેલો. મને યાદ છે ત્યાં સુધી, ભાઈનું આગમન થાય તે માટે તેં ઘણી બાધાઓ રાખેલી, ખુલ્લા પગે ફરેલી ત્યાં સુધી.. ”
“ હા, એજ બધી વાતો નો અફસોસ થાય કે નહિ ? ”
“ એ બધું તો તેં ભાઈ માટે કરેલું કે તારા માટે ? ”
“ ભાઈ માટે જ તો ”
“ બસ, આટલું જ મને સમજાય છે, તું પણ સમજી જા…”
No comments:
Post a Comment