કંટાળૉ કેમ આવે છે ?
* જીવનનું ધ્વેય સ્પષ્ટ નથી.
 |
9 May 2015
કંટાળૉ કેમ આવે છે ?
મનુષ્યની અંતરની ઊંચાઈ કયારે સિધ્ધ કરી શકે?
 મનુષ્યની અંતરની ઊંચાઈ કયારે સિધ્ધ કરી શકે?
* 'લધુતાસે પ્રભુતા મિલે' એ સુત્રનો ઉપયોગ કરવાથી.
* અંતઃકરણથી જગતના સર્વ સજીવ અને નિર્જ પદાર્થોને નમસ્કાર કરતો રહે.
* સત્-ચિત-આનંદમાં રમમાણ રહે.
* કોઇપણ પ્રકારની નબળાઈથી પરાભુત ન થાય.
* ઇન્દ્રિયો સદૈવ ઢળેલી રાખી શકે.
* બહિર્મુખ વૃતિઓને વશ ન થતાં અન્તઃકરણ અને ઇન્દ્રિયોનો જાગ્રત રહી ઉપયોગ કર.
 |
શું આ દેશનો યુવાન આટલું કરશે !
શું આ દેશનો યુવાન આટલું કરશે !
આવનારો સમય અનેકવિધ ઉપાધિઓનો હશે કે અનેકવિધ ઉપાદીઓનો હશે તે નક્કી કરવું હાલના સંજોગોમાં કળવું મુશ્કેલ છે. અનેકવિધ અવનવી શોધો અને સંશોધનો માનવી માટે આશીર્વાદરૂપ છે કે અભિશાપરૂપ ? શ્રધ્ધા,વિશ્વાસ અને સાહસની વાતો કરનારો માનવી ખરેખર આવનારા અજવાળાને ઓળખી શકશે કે અંધકારની ગર્તામાં ખોવાઇ જશે ! કવિ કલાપીની કાવ્યપંક્તિ યાદ આવે છે કે જ્યાં જ્યાં નજર મારી ઠરે માનવીની આંગળી મોબાઇલ પર ફરે.
વિશ્વમાં સૌથી વધુ યુવાશક્તિ ધરાવતો ભારત દેશ સંસ્કારોથી જોજનો દૂર તો નહીં થઇ જાય ને ! આજકાલ જ્યાં પણ નજર નાંખો,જે સમયે નજર નાંખો જાણે માનવીને મોબાઇલ ફોબિયા થઇ ગયો હોય તેમ લાગે છે. ઘણા બધા યુવાનોના આંગળીના ટેરવા જે કાર્ય અને કર્મ કરવા ફરવા જોઇએ તેની જગ્યાએ ટચ સ્કીનના ટચ સિવાયની દુનિયાથી અલિપ્ત થઇ ગયા છે. યુવાવર્ગનો એક નાનો સમુદાય એ ટચ સ્કીનના ટચનો વિવેકપૂર્ણ અને વિકાસશીલ ઉપયોગ કરી રહ્યો છે.
મારા પ્યારા યુવાનમિત્રો મોબાઇલના ઉપયોગ ઉપર પ્રતિબંધની આ વાત નથી પણ સમાજના દરેક ક્ષેત્ર પર નજર કરતાં એવો અહેસાસ થાય છે કે સતત 2G,3G કે 4G કનેક્શનનો વપરાશકર્તા દિવસમાં કેટલીવાર તેના મોબાઇલને ચાર્જ કરતો હશે ? આમ તો મોબાઇલ ચાર્જીંગમાં વીજળીનો વપરાશ નહીંવત છે,પણ જેમ ટીપે ટીપે સરોવર ભરાય કે કણ કણ કરતાં મણ થાય તેમ અનેક મોબાઇલોના ચાર્જીંગની ઉર્જાનો સરવાળો કરવામાં આવે તો કેટલી ઉર્જાનો વપરાશ આપણે કરી રહ્યા છે તેનો અહેસાસ થાય. અને તેમાં વળી ઉપયોગી ઉર્જા કેટલી ? શું આપણે જાતે જ ઉર્જાની કટોકટીના નિર્માતા નથી બની રહ્યા? શું આપણે જાતે જ આ ઉર્જાનો બેફામ ઉપયોગ કરી મોબાઇલ પર સંસ્કારિતાને શરમ આવે તેવી પ્રવૃત્તિઓ કરી આપણા મન-મસ્તિષ્કને મૃતપ્રાય બનાવી રહ્યા છીએ !
ભારત દેશને આજના યુવાવર્ગ પાસે ઘણી આશાઓ અને અપેક્ષાઓ છે. પ્રાચીન સુસંસ્કારનું સામ્રાજ્ય આપણે પુન: સ્થાપિત કરવું છે. વેદ-ગીતાના આધ્યાત્મિક જ્ઞાન થકી સુસજ્જ થવું છે. યોગ-કસરત દ્વારા આરોગ્યને સુદ્ર્ઢ બનાવવું છે. સ્વચ્છતા અને સુંદરતાના પવિત્ર વાતાવરણને પુન:સ્થાપિત કરવું છે. વિકાસની કેડી પર દેશ આગેકૂચ કરી રહ્યો છે ત્યારે આપણે પણ તેમાં કદમ સે કદમ મિલાવી ત્રિરંગાની શાન સારાયે વિશ્વમાં પ્રસ્થાપિત કરીએ. સામાજિક,આર્થિક,શૈક્ષણિક કે સાંસ્કૃતિક ક્ષેત્રમાં દેશનો યુવાન વિશ્વનું નેતૃત્વ કરે એવી આ દેશની આપની પાસે અપેક્ષા છે.
મોબાઇલ તો એક ઉદાહરણ હતું પણ આપણા જીવનમાં જ્યાં પણ ઉર્જાનો દુરપયોગ થતો હોય ત્યાં આપણે સ્વયં ઢાલ બની ઉર્જાના દુરપયોગને અટકાવીએ. વીજળી બચાવીએ, પર્યાવરણને બચાવીએ, વધુ વૃક્ષો વાવીએ અને તેનું જતન કરીએ. કોઇનો સત્કાર કે આવકાર આપણી સંસ્કૃતિ અને પરંપરા છે,તેમ તેમને વળાવવા કે મુકવા જાવો ત્યારે ચોક્કસ કહેજો કે, “ એ ભાઇ આવજો એક વૃક્ષ વાવજો.”
શું આ દેશનો યુવાન આટલું કરશે !
ભાગ-2
આજકાલ ચાલી રહેલા ધોમધખતા ઉનાળાએ તો અંગારાનો જાણે વરસાદ વરસાવાનો ચાલુ કર્યો હોય તેવો અહેસાસ અબાલ વૃધ્ધ અને મૂંગા પશુપક્ષી અનુભવી રહ્યા છે. રસ્તા પર પસાર થતાં દૂર દૂર સુધી વેરાન અને સૂકી ધરતીમાતાને જોતાં દિલની ધડકન વધી જતી હોય તેવો અનુભવ થાય છે સાથે સાથે ની:સાસો નખાઈ જાય છે કે મારા જીવનમાં મે એક વૃક્ષને ઉછેરીને તૈયાર કરવાનું સત્કર્મ કેમ ના કર્યું?
આખું વિશ્વ અત્યારે ગ્લોબલ વોર્મિગના કારણે ચિંતાતુર છે. દિવસે દિવસે સમગ્ર પૃથ્વીના તાપમાનમાં વધારો જોવા મળી રહ્યો છે. ગ્લોબલ વોર્મિગને કારણે પર્યાવરણ બદલાઈ રહ્યું છે. જેની સીધી અસર ઋતુઓની અનિયમિતતા સ્વરૂપે જોવા મળી રહી છે. આ અનિયમિતતા માટે બીજું એક કારણ ક્રુડ ઓઈલ અને પેટ્રોલિયમ પેદાશોનો વધતો જતો વપરાશ પણ છે. ઊચા ભાવે મળતી આ પેદાશો અને વપરાશ પછી મળતું બોનસ એટલે કાર્બન ડાયોક્સાઇડ. પર્યાવરણને પ્રદુષિત કરનારું અંગભૂત પરિબળ આજે વિશ્વમાં સૌથી યુવા દેશ જો કોઈ હોય તો તે ભારત દેશ છે. યુવાશક્તિનો થનગનાટ,તત્પરતા,તરવરાટ શું સમસ્યાઓના નિવારણ માટે કામ ના આવી શકે? એક યુવા એક વૃક્ષ ની સંકલ્પના સાર્થક ના કરી શકાય? મારા મતે જરૂર કરી શકાય કારણ કે આ ભૂમિ પર સંસ્કાર છે,સભ્યતા છે,સંસ્કૃતિ છે. માં ભારતીના સંતાનો પાસે આત્મબળ છે. એક સંકલ્પ અનેક સમસ્યાઓના નિવારણ માટે ઉપયોગી સાબિત થશે.કુદરતનું જતન વધુ વૃક્ષો ઉછેરીને કરીએ.
ગ્લોબલ વોર્મિગ કે પર્યાવરણની સમસ્યાનો બીજો ઉકેલ બિન પરંપરાગત ઊર્જાનો વધુ ઉપયોગ કરવો. બિન પરંપરાગત ઊર્જાના સ્ત્રોતમાં મુખ્ય સૌર ઊર્જા,પવન ઊર્જા,જળ ઊર્જા છે. પણ જો સૌર ઊર્જાનો વપરાશ જેટલો શક્ય બને તેટલો વધારવામાં આવે તો ગ્લોબલ વોર્મિગની સમસ્યામાથી મુક્ત થઈ શકાય.
જો આપણે જાણતા હોય તો હાલ થોડા સમય પહેલા વિશ્વનું પહેલું સોલાર પાવર્ડ પ્લેન ઇમ્પલ્સ-ટુ અમદાવાદની મુલાકાતે હતું. સોલાર પેનલ દ્વારા સૌર ઊર્જા મેળવી બીજા કોઈ પણ ઈંધણ વિના દુનિયાની સફરે નીકળેલું આ પ્લેન સ્વિત્ઝરલેંડના સાહિસક યુવાનો આન્દ્રે બોર્શબર્ગ તથા બટ્રાન્ડ પિકાર્ડેએ બનાવેલું છે. આજ રીતે સૌર ઊર્જાથી ચાલતી બોટ પણ પૃથ્વીની પ્રદક્ષિણા કરી રહી છે. સોલાર કાર એ આવનારા સમયની માંગ હશે એમ કહેવામાં કશું ખોટું નથી. સોલાર પાવર બ્રીજ પણ લંડનની થેમ્સ નદી પર કાર્યરત છે.
આપણી જીવાદોરી સમાન નર્મદા નદીના સરદાર સરોવર ડેમમાથી પાણીના ધસમસતા પ્રવાહ સાથે પસાર થતી અને સમગ્ર ગુજરાતના ખૂણે ખૂણે પહોચતી નર્મદા કેનાલ પર સોલાર પેનલ દ્વારા પાવર પ્રાપ્ત કરવાનો પ્રોજેક્ટ આગળ ધપી રહ્યો છે તેમાં આપણો યુવાન એજીનીયર અવનવી ટેકનીક અજમાવી ઉર્જા ક્ષેત્રે કઈક નવું કરવા પ્રયત્નશીલ છે. ત્યારે બાઈક લઈને કૉલેજ જતા મારા યુવાન મિત્રોને કહેવાનું મન થાય કે ભલે તમે બાઈક લઈને જતા પણ તમારા બાઈકમાં ઊર્જાની બચત કરી શકાય એવી કોઈ શોધ, કોઈ નવો આઇડિયા મેળવવા દિમાગને કસજો તો ભારતની આવતી કાલ ઉજવળ બની રહેશે.
Subscribe to:
Posts (Atom)