9 May 2016
મ ન ગમતાં સંવાદો–૫
મ ન ગમતાં સંવાદો–૫
“ બેટા, આજે હું બહુ ખુશ છું ”
“ કેમ કે આજે મધર ડે છે એટલે ? ”
“ ના, ના તેં આજે શોસીયલ મીડિયા પર મને બહુ ચગાવી દીધી. તારા પપ્પા પણ કેટલાં ખુશ થતા હશે ઉપર રિયા રિયા ! ”
“ મોમ, તું ખુશ તો હું પણ ખુશ “
“ મેં તને ઉછેરીને મોટો કર્યો છે બેટા; મને ખુશ રાખવા પોતાનો ગમ છુપાવી રહ્યો છે. યા તો બનાવટી સુખ બતાવી રહ્યો છે. ”
“ મધર ડે છે ખોટું નહિ બોલું, હું ખુશ છું ” અને તેણે પોતાની મોમને બથ ભરી લીધી.
“ એક વાત પૂછું ? ”
“ બોલ, યા તો બોલ્યા વગર જ કહી દઉં ? ”
“ ના ના, મારા ચશ્મા બરાબર છે, દાંતનું ચોકઠું પણ નવું છે. તેં આપેલા હજાર રૂપિયામાંથી હજી બસ્સો જ વપરાયા છે. ”
“ સારું તો પૂછ ”
“ આજે બધી મધરો સોસીયલ મીડિયા પર છવાયેલી હોય ? ”
“ ના, મોમ આતો સોસીયલ મીડિયાનો જમાનો છે એટલે ત્યાં થોડુંક કરવું પડે. બાકી ઘણા લોકોને તો સોસીયલ મીડિયા સુધી પહોંચવા પણ ના મળે. ”
“ હા વાત ખરી, તો તો કેટલી બધી મધરો ને સોસીયલ મીડિયામાં ચમકવા પણ નહિ મળતું હોય. એ બાબતે હું લકી ખરી કેમ ? ”
“ હજી તને ડાઉબ્ટ છે ”
“ ના રે ના, બેટા…..તું તો આખા જગમાં મને ઉજીયાળી કરી રહ્યો છે. ”
“ થોડું વધારે નથી કહેતી ? ”
“ પણ તું ખુશ છે ને ? ”
“ હા, મોમ……હેપી મધર ડે તો જ સાર્થક ને ? ”
“ દિલમાં આવેલા ઉભરાને આમ સોસીયલ મીડિયા પર ઠાલવી દીધા. એમાંનો થોડો ઉભરો મારા દિલ સુધી તો લાવ ” તેના ગયા બાદ માં બબડી
મુખવાસ : માં ના દિલમાંથી આવતી ખુશ્બુ, સો અત્તરોની ગરજ સારે છે.
Subscribe to:
Posts (Atom)