( 693 ) સિદ્ધિ કોઈ પણ ઉંમરે મેળવી શકાય છે, નિવૃત્તિ નડતી નથીPosted by Vinod R. Patel
તમારી પાસે સાચું જ્ઞાન છે તો તમે ક્યારેય સિદ્ધિ મેળવવા માટે નિવૃત્ત થઈ શકતા નથી. તમે માત્ર કામમાંથી નિવૃત્તિ લઈ શકો છો. તદ્ઉપરાંત નિવૃત્તિનાં નિયમો નોકરી આપનાર માટે છે, કર્મચારી માટે નહીં!
–N Raghuraman
ત્રણ દાયકા સુધીની તેમની સમર્પિત સેવાઓ બાદ તેમનાં સન્માનનિય નોકરીદાતાએ સંસ્થાના નિયમ પ્રમાણે તેમની નિવૃત્તિની વય થઈ જતાં તેમને ફરજમુક્ત કર્યા. જોકે બેંગલુરુનાં પી.ટી. રાજશેખરન (68) અને તેમનાં પત્ની સોફી રાજશેખરને (64) કંઈક બીજું વિચારી રાખ્યું હતું. તેમણે બેંગલુરુમાં એ સમયે પોતાનું કામ શરું કર્યું જ્યારે તેને ‘ટેક સિટી’નું બિરુદ્દ મળ્યું ન હતું. જોકે, આટલી ઉંમર બાદ તેઓ પોતે જરૂર ટેકસેવી થવા લાગ્યા. વિજ્ઞાનના વિષયના શિક્ષક હોવાને ધોરણે તેમનું માનવું હતું કે મેડિકલના વિદ્યાર્થીઓ માટે માત્ર ફોટા અને લખાણ અભ્યાસ માટે પૂરતાં નથી.
આટલા અનુભવ પછી તેઓ વિદ્યાર્થીઓને વિષયને સમજવામાં નડતી મુશ્કેલીઓ સમજી ચૂક્યા હતા. તેમને લાગ્યું કે કોઈ પણ વિષયને ફિલ્મ અને તેની પૃષ્ઠભુમિમાં અવાજ દ્વારા સમજાવાય તો વિદ્યાર્થીઓના મગજમાં સારી રીતે ઉતરી શકે છે. આથી તેમણે પ્રારંભમાં મેડિકલ વિષયો ઉપર ડીવીડી બનાવવાની શરૂઆત કરી. શિક્ષકોને મદદરૂપ થવા માટે તેમણે નિવૃત્તિ બાદ એનિમેશન અને અવાજ દ્વારા એક નવું જ શિક્ષણ માટેનું સાધન બનાવવાનો પ્રાયસ શરૂ કર્યો. આ રીતે તેમની ફોકસ મેડિકા નામની કંપનીનો જન્મ થયો, જેનાં આજે 250 જેટલાં વિશેષ 2ડી અને 3ડી ડિઝાઈન સોફ્ટવેર છે. તેમનો ધ્યેય આ ન હતો. તેમનો ધ્યેય તો એવી શિક્ષણ માટેની એવી એપ્લિકેશન બનાવવાનો હતો, જેને વૈશ્વિક રીતે ઉપયોગ કરી શકાય. આખરે, 2015માં તેમનાં બે મેડિકલ એપને વિશ્વનાં ટોચનાં 10 મેડિકલ એપમાં સ્થાન મળ્યું.
તાજેતરમાં જ તેમનું સર્જન ‘જુનિયર એનિમેટેડ એટલાસ ઓફ હ્યુમન એનાટોમી’ અને ‘ફિઝિયોલોજી એપ’ને મેડકલ એપમાં છઠ્ઠું સ્થાન મળ્યું અને તેમનાં બીજા એપ ‘એનિમેટેડ ક્વીક રેફરન્સ ડાયેબિટીક ફૂટ’ને 10મું સ્થાન મળ્યું. અમેરિકાની હેલ્થટેપ નામની એક ઓનલાઈન હેલ્થ સર્વિસ દ્વારા દર વર્ષે યોજાતા એપઆરએક્સ એવોર્ડમાં તેમણે બનાવેલા આ એપને ઉપરોક્ત સ્થાન મળ્યું છે. અમેરિકાના 65,000થી વધુ ડોક્ટરોએ રાજશેખરનના આ સર્જનને વોટ આપ્યો હતો.
‘જુનિયર એનિમેટેડ એટલાસ ઓફ હ્યુમન એનાટોમી એન્ડ ફિઝિયોલોજી’ એપનો આજે વિશ્વના અનેક ડોક્ટરો પોતાનાં દર્દીઓનાં ઈલાજ માટે ઉપયોગ કરી રહ્યા છે. એ જ રીતે ‘ધ એનિમેટેડ ક્વીક રેફરન્સ ડાયાબિટીક ફૂટ’ ડાયાબિટીક ફીટ અંગેની સંપૂર્ણ માહિતી જેમ કે કારણ, અસરો, ઈલાજ અને તેને રોકવાનાં પગલાં અંગે માહિતી આપે છે. ડાયાબિટીસ આજે દુનિયાનો સર્વસામાન્ય રોગ થઈ ગયો છે. આ રીતે, આ યુગલ જે ઈચ્છતું હતું કે મેડિકલના ક્ષેત્રમાં વિદ્યાર્થીઓ અને શિક્ષકોને ફાયદો થઈ શકે એવું એક ટિચીંગ સાધન બનાવવામાં આવે તેમાં તેમને સફળતા મળી ચૂકી છે.
ફંડા એ છે કે, જો તમારી પાસે સાચું જ્ઞાન છે તો તમે ક્યારેય સિદ્ધિ મેળવવા માટે નિવૃત્ત થઈ શકતા નથી. તમે માત્ર કામમાંથી નિવૃત્તિ લઈ શકો છો. તદ્ઉપરાંત નિવૃત્તિનાં નિયમો નોકરી આપનાર માટે છે, કર્મચારી માટે નહીં!
–N Raghuraman
માનવશરીરનું જીવન ટકાવી રાખવા માટેનું અગત્યનું અંગ હૃદય છે. હૃદયની મુખ્ય બીમારીઓ અને તેના કારણે થતાં મૃત્યુંના કેસોમાં ૨૫ થી ૩૦ ટકા કેસોમાં માઈટ્રલ વાલ્વની ખામી કારણભુત છે. બીજી બીમારીઓને માનવીની ઉંમર સાથે વ્યાપક સંબંધ છે. જ્યારે માઈટ્રલ વાલ્વની ખામી જન્મજાત કે જીવનના કોઈપણ તબક્કે આવી શકે છે. વાલ્વની ખરાબીને લીધે લોહી વાલ્વની દીશામાં વહેવાને બદલે વીરુદ્ધ દીશામાં વહે છે. આવા કેસોને માઈટ્રલ વાલ્વની ખામી કહેવાય છે.
આ વીષય પર ભારતના ડૉ. બી. કે. ગુપ્તા, નવી દીલ્હીની જી. બી. પંત હોસ્પીટલના કાર્ડીયાક વીભાગમાં નવીનતમ સસ્તી સારવાર પદ્ધતી અખત્યાર કરી રહ્યા છે. તેઓ માઈટ્રલ વાલ્વને સીવવા પર ભાર આપે છે. મોટી ઉંમરની વ્યક્તીઓ કે જેનું હૃદય યોગ્ય રીતે કામ કરતું ન હોય તેવા કીસ્સામાં વાલ્વ સુધાર્યા પછી આયાતી રીંગ જેવી કે કાર્પેન્ટીયર રીંગ, ડ્યુરન રીંગ અથવા પ્યુગમાસનશીલ રીંગનો ઉપયોગ થાય છે. જેની કીમંત રુપીયા ૧૮,૦૦૦/- થી ૨૦,૦૦૦/- જેટલી છે. પરંતુ આ આયતી રીંગોની સામે ડૉ. ગુપ્તાએ અન્ય વૈકલ્પીક રીંગની શોધ કરી છે. જેની કીંમત રુપીયા ૪૦૦/- જેટલી જ છે. આ વીકસાવેલ રીંગનો ફાયદો એ છે કે, તે સ્થીતીસ્થાપક છે અને એક્ષ-રે દ્વારા જોઈ શકાય છે. આ પદ્ધતી બાળકોમાં પણ ઉપયોગી છે. શરીરના વીકાસ સાથે હૃદયનો વીકાસ થવા છતા વાલ્વનું કાર્ય સારી રીતે થતું રહે છે. વળી મહાધમનીના સંકોચ કે વીસ્તાર વખતે પણ વાલ્વને કોઈ અન્ય અસર થતી નથી. ડૉ. ગુપ્તાએ એક વર્ષ દરમ્યાન ૨૦ જેટલા દર્દીઓને તેઓએ વીકસાવેલી પદ્ધતીથી સારવાર આપી છે અને તે તમામ કેસોમાં તેઓને સફળતા મળી છે.
વધુમાં ઓપરેશન દરમ્યાન દર્દીને લોહી આપવાની જરુર જણાય તેવા કીસ્સાઓમાં લોહી મેળવવાની તકલીફ નીવારવા માટે દર્દીના ઓપરેશન પહેલાં જ દર્દીનું લોહી લઈ લેવામાં આવે છે. અને જરુર જણાય તો દર્દીને પોતાનું જ લોહી ચઢાવવાની પદ્ધતી પણ તેઓ અપનાવે છે. જેને લઈને દર્દીના સગા સંબંધીઓને લોહી વેચાતું લેવાની જરુર પડતી જ નથી. તેમજ લોહી મેળવવાના વીલંબને કારણે થતું નુકસાન પણ નીવારી શકાય છે.
આમ, ભારતનો ગરીબજન પરદેશની મોંઘી સારવારનો ખર્ચ ઉપાડી શકવાના અભાવે મૃત્યુને વરે છે. આવી પરીસ્થીતી નીવારવા માટે ડૉ. ગુપ્તાની આ નવીનતમ સસ્તી અને સ્વદેશી સારવાર પદ્ધતી બહુજન સમાજને ખુબ જ ઉપયોગી થશે. જે બદલ ડૉ. ગુપ્તાને હાર્દીક અભીનંદન.
–ગોવીન્દ મારુ
‘આરોગ્ય/ઉપચાર (ગો.મારુ)’
વીજ્ઞાને પ્રાણીઓના દુધમાં પર્યાય મળે એવું સંશોધન કર્યું છે. જેમાં દવા ઉત્પન્ન કરવા માટે બકરીનો ઉપયોગ કરવામાં આવે છે. અમેરીકા, બ્રીટન અને નેધરલેન્ડ દવાના પર્યાય તરીકે ટી.પી.એ. નામનું પ્રોટીન તત્વ બકરીના દુધ દ્વારા પેદા કરે છે. આ પ્રોટીન તત્વ હ્રદયરોગના દર્દીઓની હ્ર્દુધમનીમાં જમાં થયેલી ગાંઠને દુર કરે છે. બાયોટેકનોલોજી/ જીનેટીક એન્જીનીયરીંગના વીશેષજ્ઞોએ બકરીના ગર્ભમાં એવાં જનીન દાખલ કર્યા છે કે જેના વીયાણ બાદ દુધમાંથી ટી.પી.એ. પ્રાપ્ત થાય છે. ઈચ્છનીય જનીનને નવજાત શીશુ દ્વારા પેઢી – દર પેઢી તેઓના દુધ દ્વારા આ ટી.પી.એ. તત્વ પ્રાપ્ત કરી હ્રદયરોગીઓને જીવતદાન આપવા માટેના અભીયાનમાં બકરી કારખાનાનું કાર્ય જાતે જ કરે છે.
અન્ય પ્રાણીઓની જેમ માનવી પણ એક પ્રાણી છે. માનવસમાજ કાંઈ પૃથ્વી ઉપર જીવવાનો ઈજારો ધરાવતો નથી. તેમ છતાં પોતાનો આહાર મેળવવા માટે માનવસમાજ જંગલીની જેમ ક્રુર બનતો જાય છે. અહીંસા અને પ્રાણીપ્રેમની આપણી લાગણી આપણી ત્વચા જેટલી જ જાડી અને બુઠ્ઠી છે કે જેથી બુધ્ધ, મહાવીર અને ગાંધીનું જીવન એળે ગયું હોય એવું લાગે છે.
આપણી સારવાર માટે દવા અનીવાર્ય છે. આ દવાઓનું નીર્માણ નાના – મોટા કારખાનાઓમાં થાય છે. આ કારખાનાઓ દ્વારા ફેલાતા પ્રદુષણમાં પ્રાકૃતીક સમતોલન જાળવવા માટે બકરી પ્રદુષણ રહીત દવાના કારખાના તરીકેનું કાર્ય કરીને હ્રદયરોગના દર્દીઓને પણ જીવતદાન આપે છે. ત્યારે બુધ્ધ, મહાવીર અને ગાંધીના આ ભારતમાં નાજુક, નમણાં અને શાંત સ્વભાવના નીરુપદ્રવી પ્રાણી – બકરીજાતનો માનવસમાજે ઋણ સ્વીકારવો જ જોઈએ.
–ગોવીન્દ મારુ
બીડી, સીગારેટ, પાન, માવો, તમાકુ, ગુટખા ઈત્યાદીનું વેચાણ કરતાં અને 
સામાજીક કાર્ય કરતાં એક મીત્રે વ્યસનમુક્તી મંડળ, નવસારીની સ્થાપના મીટીંગમાં જવા અંગેનો મારી સમક્ષ પ્રસ્તાવ મુક્યો ત્યારે તે સામાજીક કાર્યકરને મારે કહેવું પડયું કે જે દેશ/રાજ્યના પ્રચાર-પ્રસાર માધ્યમો દ્વારા વ્યસનકારક ચીજવસ્તુઓનો આમજનતા ઉપર હુમલો કરવામાં આવતો હોય, જે રાજ્ય-દેશનું રાજકારણ તમાકુ-દારુના ઉત્પાદન ઉપર અને આવી વ્યસન-નશાકારક ચીજવસ્તુઓના વીક્રેતાઓ ઉપર નભતું હોય તેમ જ જ્યારે મા-બાપ જ પોતાના સંતાનોને વ્યસન-નશો કરવા માટે નીમીત્ત બનતા હોય તેવા સમાજમાં ફક્ત દેખાડો કરવા ખાતર જ વ્યસનમુક્તી મંડળ બનાવવું કે પછી તેમાં સામેલ થવું મને રુચીકર નથી લાગતું. વળી તમે વ્યસનમુક્તી મંડળના સભ્ય કે હોદ્દેદાર બનો એટલે તમારે આમજનતામાં વ્યસનમુક્તીનો પ્રચાર કરવો જોઈએ. અને વ્યસનમુક્તી અંગેનો પ્રચાર-પ્રસાર કરતાં પહેલાં તમારી પોતાની દુકાનમાંથી ઉપરોક્ત વ્યસનકારક ચીજવસ્તુઓના જથ્થાનો નાશ કરીને તેનું વેચાણ બંધ કરશો તો જ તમારી નીયતી અને અભીયાન સાર્થક ઠરે. અન્યથા વીશાળ ઉદ્દેશ ધરાવતા આ અભીયાનને લાંછન લગાવશો નહીં- આ વાત તેમણે સ્વીકારી.
એક સંસ્થાની મીટીંગમાં ભોજન બાદ આદતસે મજબુર એક યુવાને ગુટખાનું 
પાઉચ ખોલ્યું. ત્યારે આ અજાણ્યા યુવાનને તેમ કરતા અટકાવવાને બદલે વ્યસનમુક્તી મંડળ, નવસારીના એક હોદ્દેદારે તે યુવાન પાસેથી ગુટખાની માંગણી કરીને ગુટખાનું સેવન કર્યુ. તેથી ઉપરોક્ત દુકાનદાર મીત્ર તેમજ આ લખનારે વ્યસનમુક્તી મંડળના હોદ્દેદારનું તેમની પ્રતીબદ્ધતા તરફ ધ્યાન દોર્યું. ત્યારે વ્યસનમુક્તી મંડળના હોદ્દેદારે નફ્ફટ થઈને જણાવ્યું કે, ‘આ તો ઠીક છે, હું તો બજરનું પણ સેવન કરું છું. આ ટાણે સંત જ્ઞાનેશ્વરના પ્રસંગનો ઉલ્લેખ કરવો જરુરી છે. વધુ માત્રામાં ગોળ ખાતા બાળકને થતું નુકશાન નીવારવા માટે બાળકની માતાએ બાળકની ગોળ ખાવાની ટેવ છોડાવવા માટેનો ઉપદેશ આપવા માટે વીનંતી કરી. ત્યારે સંત જ્ઞાનેશ્વરજીએ બે દીન બાદ તેણીને બાળકને સાથે લઈને આવવા જણાવ્યું. આ બે દીવસ બાદ સંત જ્ઞાનેશ્વરજી એ બાળકને ગોળ ન ખાવા માટે ઉપદેશ આપ્યો હતો. અર્થાત્ કોઈ પણ આચાર માટે પોતાનું આચરણ જરુરી છે.
ત્યારે પ્રશ્ન એ થાય છે કે, આપણા યુવાધનના સતત સંપર્કમાં રહી વ્યસનમુક્તીનો ધનીષ્ઠ પ્રચાર-પ્રસાર કરીને યુવાનો નપુંસકતા, મોઢાં તેમજ ફેફસાના કેન્સરના શીકાર બની રહ્યા છે. બીડી, સીગારેટ, ચુંગી, હુક્કો, માવો, તમાકુ, ગુટખા, બજર વીગેરેનું સેવન કરે છે તેમને તમાકુ છોડાવી વ્યસનમુક્ત કરવાને બદલે વ્યસનમુક્તી મંડળના હોદ્દેદાર જાહેરમાં માંગીને વ્યસન કરશે તો આવા હોદ્દેદારો આમજનતામાં શી જાગૃતી લાવી શકશે ?
–ગોવીન્દ મારુ
|
શ્રેયાર્થી કોને કહેવાય ?
* જે વિચારશીલ છે.
* પવિત્ર વૃતિઓમાં જેનું મન સતત રમમાણ રહે છે.
* સદાચાર,કરુણા,ન્યાય વગેરે જેના જીવનમાં વણાઈ ગયા છે. *
જે પોતાનો લાભ કદી શોધતો નથી,પણ અન્યનું હિત ધ્યાનમાં રાખી પ્રવૃતિશીલ રહે છે.
* જે સમાજને કદી બોજારુપ બનતો નથી.  |
ત્રણ દાયકા સુધીની તેમની સમર્પિત સેવાઓ બાદ તેમનાં સન્માનનિય નોકરીદાતાએ સંસ્થાના નિયમ પ્રમાણે તેમની નિવૃત્તિની વય થઈ જતાં તેમને ફરજમુક્ત કર્યા. જોકે બેંગલુરુનાં પી.ટી. રાજશેખરન (68) અને તેમનાં પત્ની સોફી રાજશેખરને (64) કંઈક બીજું વિચારી રાખ્યું હતું. તેમણે બેંગલુરુમાં એ સમયે પોતાનું કામ શરું કર્યું જ્યારે તેને ‘ટેક સિટી’નું બિરુદ્દ મળ્યું ન હતું. જોકે, આટલી ઉંમર બાદ તેઓ પોતે જરૂર ટેકસેવી થવા લાગ્યા. વિજ્ઞાનના વિષયના શિક્ષક હોવાને ધોરણે તેમનું માનવું હતું કે મેડિકલના વિદ્યાર્થીઓ માટે માત્ર ફોટા અને લખાણ અભ્યાસ માટે પૂરતાં નથી.
