લેખ અને વિષયવસ્તુ માટે સાવધાની

લેખ અને વિષયવસ્તુ માટે સાવધાની 
---------------------------------------------------
        લેખ ને સુંદર બનાવવો હીરા ઘસું જેવું કામ છે  -
વિષય વસ્તુ અને સામ્રગી ની ગુણવત્તા 
----------------------------------------------
સામ્રગી રાજા નથી. સ્પષ્ટતા રાજા છે , હીરાને તેજસ્વી બનાવવા માટે કાપવું,રંગ ,કેરેટ 4 સી એસ એસ ઉપયોગમાં લેવાય છે ,તેમ પ્રેરણાદાયક સામ્રગી  માસ્ટર અને આંખને  આકર્ષિત કરે છે ,  ગુણવત્તામાટે ચોકસાઈ જરૂરી છે.
સ્પષ્ટતા 
--------
અસરકારક સંપૂર્ણં  સ્પષ્ટતા વિષય વસ્તુની સામગ્રી જોઈએ. તેથી માર્કટ્રેવ ઈન ,અર્નેસ્ટ હેમિંગ્વે ,જેન ઓસ્ટિનથી વાંચન  શરૂવાત કરો; વાક્યો ટૂંકા કરો .
સરળતા રાખો. 

કાપવું 
------------
વાચકને અપ્રસ્તુત વર્ણનમાં રસ નથી -તેને વિષય વસ્તુ આલેખન માંથી રદ્દ (  બાકાત )કરો. જેથી કૃતિમાં  ચમક ,તેજસ્વીતા વધે .
         હીરાને  પાસા પાડવામાં આવે છે ,પાસા એટલે નકામું ઘસીને દૂર  કરવું અને હીરાને પાણીદાર કરવા અનુકૂળ લાગે તેમ પ્રતિકૂળ, ઓપદર  કરી ચમકદાર  ચળકાટ લાવવો .લેખનમાં પણ પહેલ પાડવા વિશેષ ,ભારીખમ શબ્દો-બિન જરૂરી અભિવ્યક્તિઓ અને અસ્પષ્ટતા દૂર કરો-વિષય વસ્તુને વળગી રહો .બીજી વાત પાસા પાડો ;એક જ મુદ્દા પર પૂર્ણપણે ધ્યાન ક્રેન્દ્રિત કરી વાચકપ્રિય  સરળતા ઉભી કરો,પ્રત્યેકવિષય વસ્તુ/વિચાર ''પેરેગ્રાફ ''માં મૂકવા  કાપકૂપ પણ કરો.
            વાત ત્રીજી - ત્રીજો પાસ એટલે વાચકો હકીકત અને તેને લગતી  બાબતો સિવાય બીજામાં રસ નથી ઇચ્છતાં -પુનઃ યાદ રાખો ,તમારા વિષય વસ્તુને  જીવંત રાખો .જો વાર્તા મૂકો  તો તેમાં વાર્તા પ્રત્યેનું  બિન્દુ નૈતિક અને ભાવ સૂક્ષ્મ જોઈએ.ઝળહળતી વિગતો-શુષ્કતા ,ધૂળ-ધુંધળી  શબ્દાડંબર રહિત બનાવો   . 
કેરેટ 
---------------
વાચકોને વફાદાર રહો .વારંવાર અવિવેકી અથવા મનોરંજન વાતોનો ભાર વાચકને વાસ્તવિક મૂલ્યનું યોગદાન આપતા અટકાવે છે 
-----------------------મૂળ લેખક-- સોનોય સિમોન તરજુમો /અનુવાદક- જિતેન્દ્ર  પાઢ 

આઠ સવાલોની અષ્ટમી થકી જન્મ સુધારીએ એ જ સાચી જન્માષ્ટમી!

Jaywant Pandya

શું આપણે હેપ્પી જન્માષ્ટમી કહેવાને લાયક છીએ?

શ્રી કૃષ્ણની રાસ લીલા, નિયમો તોડવાની વાતને વધુ કહીને કેટલાક બુદ્ધુજીવીઓ હિન્દુઓને ગેરમાર્ગે દોરવાનું અર્બન નક્સલી કામ કરે છે ત્યારે આપણે આજે પોતાની જાતને અને આવા બુદ્ધુજીવીઓને કેટલાક પ્રશ્નો પૂછીએ.

૧. આપણે શ્રી કૃષ્ણની જેમ સુદામા જેવા આપણા મિત્રોને સાથ આપીએ છીએ? આર્થિક મદદની વાત નથી, પણ માનસિક સધિયારો પણ આપીએ છીએ? શ્રી કૃષ્ણ રાજા હતા, દુનિયાભરનાં કામો હતાં, તોય બાળપણનો ગોઠિયો મળવા આવ્યો એટલે પગ ધોઈ આદરથી આવકાર આપ્યો, વિશેષ સમય કાઢી તેની સાથે બાળપણનાં સંભારણાં તાજાં કર્યાં, પત્નીઓ સમક્ષ પણ તેનો પરિચય આદ સાથે કરાવ્યો. આપણે સફળ થયા પછી બાળપણના કે કૉલેજના મિત્રોને ભૂલી નથી જતા ને? કોઈ મિત્રને વિપરીત ઘડી આવે તો તેના ફૉન ઉપાડવા કે તેના વૉટ્સએપ સંદેશાનો જવાબ આપવાનું બંધ નથી કરી દેતા ને? આ પ્રશ્ન આપણી જાતને પૂછવો જોઈએ. અને સાથે જ જ્યારે આપણો મિત્ર વિષાદમાં ફસાયો હોય, કિંકર્તવ્યમૂઢ હોય ત્યારે તેનો સાથ છોડી દેવાના બદલે તેને સમજાવીએ છીએ? અને સમજાવીએ છીએ તો પણ તેને પસંદ પડે તેવો જવાબ આપીએ છીએ કે પછી તેને હિતકારી હોય તેવો જવાબ આપીએ છીએ? અને હિતકારી જવાબ આપીએ તો પછી એવો હઠાગ્રહ રાખીએ છીએ કે ના, મેં કહ્યું તેમ તારે કરવું જ પડે, નહીંતર તારો ને મારો સંબંધ પૂરો? કે પછી શ્રી કૃષ્ણની જેમ ‘યથેચ્છસિ તથા કુરુ’ કહીને ઉદ્દીપક જેવું પોતાનું કામ પૂરું કરવું તેવું આપણે કરીએ છીએ?

૨. પોતાના ગામ પર, રાષ્ટ્ર પર સંકટ આવે ત્યારે, “હું એકલો શું કરી શકું?” તેવી ભાવના આપણા મનમાં નથી જન્મતી ને? શ્રી કૃષ્ણએ તો નાનપણથી જ રાક્ષસોનો સંહાર કરવાનું શરૂ કરી દીધું હતું. નાનપણથી જ આવતાં સંકટો વખતે માથે હાથ દઈને કે હાથ ખંખેરીને બેસી નહોતા ગયા કે હું તો નાનો છું, એકલો શું કરી શકું? કંસ હોય કે જરાસંધ કે દુર્યોધન, અત્યાચારીઓ સામે કળ, બળ અને છળથી પણ લડવાનું તેમણે જ શીખવાડ્યું.

૩. કોઈ અબળા પર આફત હોય ત્યારે આપણે વિડિયો નથી ઉતારતા ને? કોઈ સ્ત્રીની છેડતી થતી હોય ત્યારે મૂંગા મોઢે જોતા નથી ને કે પછી ‘આવી માથાકૂટમાં કોણ પડે?’ તેમ કહી ચાલતી પકડતા નથી ને? પોતાની વાતો દ્વારા, પોતાની કલા દ્વારા, પોતાના લેખન દ્વારા, સૉશિયલ મિડિયા પર સૉફ્ટ પૉર્ન પ્રકારની પૉસ્ટ દ્વારા સ્ત્રી પર અત્યાચાર થાય, સ્ત્રીને ફટાકડી તરીકે જોવામાં આવે, તેને ચીજ તરીકે-વસ્તુ તરીકે જોવામાં આવે તેવું વાતાવરણ નિર્માણ નથી કરતા ને? રાધા સાથેના પ્રેમને વ્યભિચારનું નામ આપીને શ્રી કૃષ્ણના ઉદાહરણ દ્વારા અનૈતિકતાને પોષતા નથી ને? શ્રી કૃષ્ણ એક માત્ર વ્યક્તિ હતા જેણે દ્રૌપદીની લાજ બચાવી હતી. ગોપીઓનાં વસ્ત્રો હર્યાં તેની પાછળ કોઈ કામ લીલા નહોતી, પરંતુ ગોપીઓને સંદેશો હતો કે જાહેરમાં તમારે તમારી ગરીમા જાળવવી જોઈએ.

૪. આપણા સગાવહાલાને ત્યાં કોઈ પ્રસંગ હોય તો મોડા પહોંચી, જમીને, શુભેચ્છા આપીને નીકળી જતા નથી ને? કામ તો એ લોકો કરશે તેમ નથી વિચારતા ને? મારે તો મારા દીકરાની પરીક્ષા છે, ઘરનાં કેટલાં કામ હોય તેમ માનીને ઘરે ટીવી જોવા બેસી નથી રહેતા ને? શ્રી કૃષ્ણએ તો રાજસૂય યજ્ઞમાં પતરાળાં ઊંચકવાનું કામ કર્યું હતું.

૫. આપણે હંમેશાં કમ્ફર્ટ ઝૉનમાં જ રહેવાનું પસંદ નથી કરતા ને? શ્રી કૃષ્ણએ તો નાનપણમાં જ ગોકુળ છોડી દીધું અને તે પછી જરૂર પડી તો મથુરા પણ છોડી.

૬. આપણે ખોટું કામ કરતા આપણા લોકોને સાથ નથી આપતા ને? શ્રી કૃષ્ણએ મદમાં છકીને સદાચારી ઋષિઓની મજાક કરવા ગયેલા પોતાના જ વંશજોને બચાવ્યા નહીં. અત્યારે તો સદાચારીઓની મજાક કરવી એ ફેશન છે. આપણે તેમાં નથી આવતા ને?

૭. કોઈ આપણી ટીકા કરે ત્યારે તેનાથી નીચલી સ્તરે ઉતરીને આપણે ગાળો ભાંડવા નથી માંડતા ને? અને પછી પાછા હું તો શ્રી કૃષ્ણ જેવો, સુદર્શન ચક્ર ચલાવું તેમ કહીને પોતાની જાતને શ્રી કૃષ્ણ સાથે નથી સરખાવતા ને? કારણકે શ્રી કૃષ્ણની જેમ શિશુપાલ પર સુદર્શન ચક્ર ચલાવવા સો ગાળો ખાવાની-સાંભળવાની હિંમત જોઈએ.

૮. શ્રી કૃષ્ણએ નરકાસુરને ત્યાં કેદ રહેલી સ્ત્રીઓને સમાજમાં માનભર્યું સ્થાન મળે તે માટે સોળ હજાર સ્ત્રીઓને પત્ની બનાવી. આ આંકડો કદાચ વધુ હોઈ શકે કે પછી સમ્સ્કૃત શ્લોકનું અર્થઘટન ખોટું હોઈ શકે, પરંતુ તેમણે આ કામ સ્ત્રીઓની ગરીમા માટે કર્યું હતું. પરંતુ આ સિવાય તેઓ ધારત તો કુબજાથી લઈને દ્રૌપદી સહિતની સ્ત્રીઓને પોતાની પ્રેમજાળમાં ફસાવી શકત. તેઓ મનમોહન હતા. મોહક વ્યક્તિત્વ ધરાવતા હતા. પરંતુ તેમણે તેમ કર્યું નથી. આવું તો આપણે નથી કરતા ને? પ્રેમજાળમાં ફસાવી અને પછી પાછા શ્રી કૃષ્ણની સાથે આપણી જાતને સરખાવી તેને રાસલીલાનું રૂપાળું નામ આપવું તેવું નથી કરતા ને?

આ આઠ સવાલોની અષ્ટમી પર ચિંતન કરી જન્મને સુધારીએ તો જ જન્માષ્ટમી સાર્થક ગણાય.

…Happy Brith day માં વ્યથિત શ્રી કૃષ્ણ (હાસ્ય લેખ )

…Happy Brith day માં વ્યથિત શ્રી કૃષ્ણ (હાસ્ય લેખ )
-------------------------------------------------------------------

નારદજી :~ અરે પ્રભુ ! તમારો જન્મદિવસ (જન્માષ્ટમી) નજીકમા છે અને તમે આટલા ઉદાસ કેમ ?

શ્રીકૃષ્ણ :~ અરે નારદજી ! એની જ તો ચિંતા છે. જન્માષ્ટમીના દિવસે રાત્રે 12વાગ્યે ન્યુઝ ચેનલો ચાલુ કરીને જુઓ તો ખરા, આપને બધુ સમજાઈ જશે.

નારદજી :~ એવુ તે શું બતાવે છે ન્યુઝ ચેનલ ?

શ્રીકૃષ્ણ :~ મારા જન્મદિવસે "ગોકુળ-મથુરા-વૃન્દાવન" ના મંદિરોમા "દૂધ-દહી-ઘી-મધ" ને શંખમા ભરી-ભરીને મારી નાની અમથી મૂર્તિ પર અભીષેક કરવામા આવે છે, અને આ દ્રવ્યો ભેગા થઈ છેવટે ગટરમા જાય છે, અને મંદિરમા પણ દુધની ડેરીમા આવતી હોય એવી દુર્ગંધ આવે છે એ બધુ યાદ આવતા, હુ દુ:ખી-દુ:ખી થઈ જાવ છુ.

નારદજી :~ અરે પ્રભુ ! આ તો ભક્તોનો તમારા પ્રત્યેનો પ્રેમ છે

શ્રીકૃષ્ણ :~ જો મુનીવર, તમે જ કહો... મારો એક દિકરો મંદીરની બહાર બે-ત્રણ દીવસથી ખાધા-પીધા વગરનો પડ્યો હોય અને બીજો દીકરો મારી મૂર્તી પર આટલો-આટલો અભિષેક કરી, બગાડ કરે તો દુ:ખ તો થાય કે નહી ?

નારદજી :~ વાત તો વિચારવા જેવી છે... તો પ્રભુ તમારી શું ઈચ્છા છે ?

શ્રી કૃષ્ણ :~ જેમ શ્રીફળ વધેરી, થોડો ભાગ ભગવાનને ધરી બાકીનો ભાગ પ્રસાદી તરીકે વહેચાય છે, તેમ દુધ-દહી-ઘી-મધ માથી એક ચમચી મારી મૂર્તી પર ચડાવી બાકીનુ દ્રવ્ય મારા અશકત દિકરાઓમા પ્રસાદી તરીકે વહેચાય એ વધુ ઈચ્છનીય છે.

અને બીજુ હુ મારા ભક્તોને એ કહેવા માંગુ છુ.... કે મને દુધ-દહી-માખણ-ઘી વધારે ભાવે છે તો મને એ ખવડાવવાના બદલે એનાથી નવડાવવાનો ? ? તમે કોઈ દિવસ આ દ્રવ્યોથી ન્હાવ છો ખરા ? ? કે તમારા બાળકોને ક્યારેય એનાથી નવડાવ્યા છે ? ?

નારદજી :~ પરંતુ પ્રભુ !  આ વાત ભક્તો સુધી પહોચાડવી કઈ રીતે ?

શ્રી કૃષ્ણ :~ અરે ! એટલે જ તો આપને યાદ કર્યા છે મુનિવર, સમાચાર ફેલાવવાનું કામ તમારાથી સારી રીતે કોણ કરી શકે ?

નારદજી :~ પ્રભુ ! હુ એકલો કેટલી જગ્યાએ પહોચું ? પણ મારી પાસે એક સરસ ઉપાય છે.

શ્રી કૃષ્ણ :~ તો વાર ના લગાડો, મુનિવર.... બોલો ફટાફટ

નારદજી :~ પૃથ્વીલોકમા "માર્ક ઝુકરબર્ગ" ની બે એપ્લીકેશન એટલે કે ફેસબુક અને વોટ્સ-અપ ગ્રુપના માધ્યમથી ભારતના જાગૃત યુવાનો આ સંદેશ ફેલાવી શકે અને બીનજરૂરી બગાડ અટકાવી શકે.

શ્રી કૃષ્ણ :~ ખુબ જ સરસ વિચાર છે.

નારદજી : ~ સારુ તો મને રજા આપો... નારાયણ !  નારાયણ !

* ॰ * ॰ * ॰ * ॰ * ॰  * ॰વોટ્સએપ  -પોસ્ટ માંથી - પ્રેષક -અરવિંદ.કે.પટેલ/ ગુજરાત /ભારત/  - e mail -patelarvind101@gmail.com

સારી શરૂઆત

“એક સારી શરૂઆત, વીંધી નાખે છે અનેક અપવાદ અને,
એક સાચી યાદ, ભાંગી નાખી છે મન ના બધા વિખવાદ. ”

જેમ અનેક સમસ્યાઓ ના જવાબ કામ ની શરૂઆત કરતાજ હલ થઇ જાય છે એમ કોઈને માફ કરતા પહેલા મન જો સાફ કરી નાખીએ તો વિખવાદો નો અંત થઇ જાય છે.

અટલ વાણી ( પ્રવચનોના ઉદ્દગારો માંથી ચૂંટેલાં વિચારો )–જિતેન્દ્ર પાઢ

અટલ વાણી (  પ્રવચનોના ઉદ્દગારો માંથી ચૂંટેલાં  વિચારો )–જિતેન્દ્ર પાઢ vijay shah દ્વારા       લોક લાડીલા  ભારતીય જનતા પક્ષના મોભી અને ભારતના માજી વડા પ્રધાન અટલ બિહારી બાજપાઈ ની આખરી વિદાય ને વંદન સાથે  તેમના પ્રવચનો માંથી ચૂંટેલાં વિચારો -''   અટલ વાણી ''-દ્વારા  શ્રદ્ધાંજલી  ....અર્પણ ..  હિન્દી અને વ્રજ ભાષાના ઉત્તમ કવિ ,તટસ્થ પત્રકાર .ઉદાર ,વિવેકશીલ ,નીડર ,સરળ ,સહજ , રાજનૈતિક નેતા ,મુત્સદ્દી   રાષ્ટ્ર પ્રેમી ભારતીય ,સફળ અને વિરોધીઓ  પ્રિય માજી વડાપ્રધાન ,વિ દેશ મંત્રી,ત્રણત્રણ વખત મંત્રી  પદ મેળવનાર,  ભાજપા સ્થાપક -અધ્યક્ષ ,પ્રખર અભ્યાસુ વકતા, ચુસ્ત આર આર એસ પ્રચારક કાર્યકર્તા ,વિદેશમાં જઈ હિન્દીમાં ભાષણ કરનારા  પ્રથમ વડા પ્રધાન -હિન્દી પ્રિય પ્રચારક , કંઠમાં સરસ્વતીનો વાસ ,ભારતીય સાંસ્કૃતિક મૂલ્યો પ્રતિ આસ્થાવાન  આવા  અનેક ગુણો સાથે બહુમુખી પ્રતિભા  ધરાવનારા અટલ બિહારી બાજપાઈ ની નોંધ પાત્ર સેવાઓને લીધે  તેઓ અનેક પદવીઓ ,સન્માન ના અધિકારી બન્યા હતા - તેઓ '' ભારત રત્ન '',  - ''પદમવિભૂષણ '',લોકમાન્ય તિલક એવોર્ડ ,ડોક્ટરેટ પદવી ,,ફ્રેન્ડ્સ ઓફ બાંગ્લાદેશ લિબરેશન વોર એવોડ આદિ થી સન્માનિત  હતા  તા .૨૫મી ડિસેંબરે ગ્વાલિયરમાં જન્મેલા અને   પોતાના કારકિર્દી કાળમાં અતિ મહત્વના કામો દ્વારા ભારતની સાચી સેવા  કરનારા   ભારતીય   સપૂત સર્વધર્મસમભાવ હિમાયતી સાચા દેશ ભક્ત હતા -આજીવન કુંવારા રહીને દેશને જીવન સમર્પિત કરનારા  આ વીરપુરુષ લાંબી  માંદગી બાદ તા .૧૬ ઓગસ્ટ -૨૦૧૮ ના રોજ દેહ વિલય પામ્યા - ભારતના વડાપ્રધાન  નરેન્દ્ર મોદી સહીત અનેક દેશ અને વિદેશના મહાનુભાવોએ  શ્રદ્ધાંજલી અર્પી - ભારતે ૭ દિવસનો  રાષ્ટ્રીય શોક જાહેર કર્યો  અટલ વાણી  ----------------------- * ભારતીય  જ્યાં જાય છે ,ત્યાં લક્ષ્મીની સાધનામાં લાગી જાય છે ,પરંતુ તે દેશમાં વિકસિત થતાં તેને એવું લાગે છે  તેની  પ્રતિભા સંકોચાઈ જાય છે .ભારતજમીનનો ટુકડો નથી . જીવતો જાગતો  રાષ્ટ્ર પરુષ છે .તેનું હિમાલય મસ્તક છે .ગૌરીશંકર ટોચ ( શિખા )છે ,કાશ્મીર મુગટ છે ,પંજાબ અને બંગાળ બે વિશાલ ખભા છે .દિલ્હી તેનું દિલ છે .વિંધ્યાચલ કમર છે .નર્મદા કંદોરો છે .પૂર્વ અને પશ્ચિમ ઘાટ બે વિશાળ સાથળ છે  . કન્યાકુમારી તેના ચરણો છે .સાગર તેના પગ પખાળે છે .વરસાદના કાળાકાળા મેઘ (  વાદળ ) તેના કેશ છે   ચંદ્ર અને સુરજ તેની આરતી ઉતારે છે ,મલયાનિલ  ચમર ઢાળે છે .આ વંદનની ભૂમિ છે . અભિનંદનની ભૂમિ છે.આ ધારા  તર્પણની છે ,અર્પણની છે .જેના એકએક કંકર કંકર  શંકર છે ;તેના બિંદુબિંદુ છે.અમે જીવશું તો તેના માટે ,મરશું તો  તેના માટે.( ૧૯૬૧- અમદાવાદ -ઔદીચ્ય વાડીનુંભાષણ * મને મારા હિન્દુત્ત્વ પર અભિમાન છે ,પરંતુ તેનો અર્થ એ નથી કે હું મુસ્લિમ વિરોધી છું . *મનુષ્યનું જીવન અણમોલ નિધિ છે ,પુણ્યનો પ્રસાદ છે .આપણે માત્ર પોતાના માટે ન જીવીએ, બીજાના માટે પણ જીવો .જીવન જીવવું એક કલા છે ,એક વિજ્ઞાન છે .બંનેનો સમન્વય આવશ્યક છે . *ખભે ખભા મેળવી ,આપણે આપણી જીવનયાત્રા ને ધ્યેયના ,સિદ્ધિના શિખરસુધી લઇ જવી છે . *દેશ એક રહેશે તો કોઈ એક પાર્ટીને લીધે નહિ રહે ,કોઈ એક વ્યક્તિને લીધે એક નહિ રહે ,કોઈ એક પરિવારને લીધે એક નહિ રહે .એક  રહેશે તો  દેશની જનતાની દેશભક્તિ ને  લીધે રહેશે *ભારતના ડાયસ્પોરાના સભ્યો ,દુનિયાના દૂર દૂર દેશોમાં રહો છો ,આપ સૌને મારી શુભેચ્છાઓ ,આપ ભારતથી ઘણા દૂર થઇ  શકો છો  ,પણ આપ હંમેશા અમારા હૃદયથી નજદીક છો . *હું ચાહું છું કે ભારત એક મહાન રાષ્ટ્ર બને , શક્તિશાળી બને ,વિશ્વના રાષ્ટ્રોમાં પ્રથમ હરોળમાં આવે . *ભારતીયકરણનો એક જ અર્થ છે ,ભારતમાં રહેનારી બધી જ વ્યક્તિ ,ભલે તેની ભાષા કોઈપણ હો ,પણ ભારત પ્રતિ અનન્ય  ,અવિભાજ્ય ,  અવ્યભિચારી  નિષ્ઠા  રાખે .ભારત પ્રત્યે  અનન્ય નિષ્ઠા રાખનારા સર્વ  ભારતીય છે ,પછી તેના ધર્મ ,ભાષા તથા પ્રદેશ કોઈ પણ કેમ ન હોય *અમે અહિંસામાં આસ્થા રાખીએ છીએ અને ઇચ્છીએ છીએ કે વિશ્વના સંઘર્ષોનું સમાધાન  શાંતિ અને સમજુતી ના માર્ગથી  થાય . *પૌરુષ ,પરાક્રમ ,વીરતા આ   અમારી મહાન પરંપરાનું અંગ છે  આ સંસ્કારો દ્વારા આ પરંપરા આપણા જીવનમાં  ઢાળી  શકાય છે . *હિન્દુધર્મ  પ્રતિ મારું આકર્ષણનું સૌથી મુખ્ય કારણ એ છે કે તે માનવનો સર્વોત્કૃષ્ટ ધર્મ છે . *  છેલ્લાં   ૫૫  વર્ષો માં પાક સાથે નિરપવાદથી વાતચીત ભારતે જ કરી છે . *મારી દૃષ્ટિએ  ભારત એક એવું ભારત -જે ભૂખ ,ગરીબી ,નિરક્ષતા અને  અભાવોથી મુક્ત હો. *તમે દોસ્ત બદલી શકો ,પાડોશી નહિ . *મને મારા હિન્દુત્ત્વ પર અભિમાન છે ,પરંતુતે નો અર્થ એ નથી કે હું મુસ્લિમ વિરોધો છું . *ધર્મ બદલવાથી ન તો રાષ્ટ્રીયતા બદલાય છે અને ન તો સંસ્કૃતિ . * મનુષ્ય જીવન  અનમોલ નિધિ છે ,પુણ્યનો પ્રસાદ છે .આપણે માત્ર આપણા માટે ન જીવીએ ,બીજાના માટે જીવો .જીવન જીવવું એક કલા  છે ,એક વિજ્ઞાન છે . બન્ને નો સમન્વય આવશ્યક  છે .. * સાહિત્યકારનું  હૃદય દયા ,ક્ષમા ,કરુણા,પ્રેમથી છલકાતું રહે છે .તેથી  તે લોહીની હોળી ખેલી શકતો નથી . *મારા ભાષણોમાં મારો લેખક જ બોલે છે ,પણ એવું નથી કે રાજ નેતા ચૂપ રહે છે . મારા લેખક ને રાજ નેતા ના પરસ્પર  સમન્વય  જ મારા ભાષણમાં ઉતરે છે .એ જરૂર છે કે રાજ નેતાએ લેખકથી ઘણું મેળવ્યું છે . *સાહિત્યકારે પોતાના પ્રતિ સાચ્ચા રહેવું જોઈએ. તેણે સમાજ ને  માટે પોતાના કારભાર (જવાબદારી -દાયિત્વ )નો સાચા અર્થમાં નિર્વાહ કરવો જોઈએ . તેના તર્ક પ્રામાણિક હો .તેની દૃષ્ટિ રચનાત્મક હોવી જોઈએ તે સમસામયિકતા ને સાથે લઈને ચાલે ,પણ આવનારી ' કાલ   'ની ચિંતા  જરૂર કરે . *શિક્ષાનું માધ્યમ માતૃભાષા હોવું જોઈએ ,ઊંચામાં ઊંચી  શિક્ષા માતૃભાષાના માધ્યમથી અપાવી જોઈએ. પૃથ્વી ઉપર મનુષ્ય જ એક એવું  પ્રાણી  છે ,જે  ભીડમાં એકલો અને ભીડથી ઘેરાયેલો હોવાનો અનુભવ કરે છે . *ભારતમાં જેટલી પણ ભાષા છે ,તે  અમારી પોતાની છે .તેમાં અમારા આત્માનું પ્રતિબિંબ છે ,તે અમારી આત્માભિવ્યક્તિનું સાધન છે .તેમાં કોઈ નાની કે કોઈ મોટી નથી . *એવી ખુશીઓ જે અમારો હંમેશ સાથ આપે ;ક્યારેય નહોતી ,કદીએ ન હોય અને ક્યારેય નહી રહે  . *  જલવું  પડશે ,પીગળવું પડશે ,કદમ મેળવી ચાલવું પડશે . *માણસે ઇચ્છવું જોઈએ કે પરિસ્થિતિઓથી લડે ,એક સ્વપ્નું તૂટે તો  બીજું  ઘડે. *વ્યક્તિને સશકત બનાવવી એટલે જ દેશને સશક્ત બનાવવો , સશક્તિકરણ  તેજીથી  સામાજિક વિકાસના  માધ્યમથી પરિવર્તન સાથે,તેજીથી આર્થિક વિકાસના માધ્યમથી સૌથી સારી સેવા પ્રદાન કરી શકાય છે . *  વાસ્તવિકતા એ છે કે યુ .એન .જેવા આંતર રાષ્ટ્રીય સંગઠન એટલા જ અસરકારક  થઇ શકે ,જેટલાં તેના સભ્યો  તેને તે  કરવા અનુમતિ આપે .* ગરીબી બહુઆયામી છે ,તે અમારી કમાઈ સિવાય ,રાજનૈતિક ભાગીદારી અને નાખે છે  અમારી સંસ્કૃતિ અને સામાજિક સંગઠનની  ઉન્નતિ પર અસર નાખે છે . *ભારતમાં મોટી લોક ભાવના હતી કે પાકિસ્તાન સાથે  ત્યાં સુધી કોઈ સાર્થક વાતચીત ન થઇ શકે  જ્યા  સુધી તે  આંતકવાદનો પ્રયોગ પોતાની વિદેશી નીતિના એક સાધનના રૂપમાં કરવાનું છોડી ન  દે. * જીવનના ફૂલ ને પૂર્ણ  તાકાતથી ખીલવો . *મારા માટે શક્તિ ક્યારેય આકર્ષણ નહોતું . *અમારા શબ્દો ,કાર્યો અને રાજનૈતિક પ્રયાસોનો ઉદ્દેશ્ય અશિષ્ઠ પ્રભાવ પેદા કરવાને બદલે વ્યવહારિક લક્ષ્યોને પ્રાપ્ત કરવાની  કોશિશ કરવાનો જોઈએ . *અમારું લક્ષ્ય અંતહીન આકાશ જેટલું ઊંચું થઇ શકે છે ,પરંતુ આપણે મગજમાં  આગળ વધવા માટે  એક પગલું ઉપાડવું જોઈએ . હાથથી હાથમાં હાથમાં  લો જીત  અમારી  જ થશે . *જો ભારત ધર્મ  નિરપેક્ષ નથી તો ભારત બિલકુલ ભારત નથી . * કોઈ બંદૂકથી નહિ ,પણ કેવળ  ભાઈચારાથી  જ  સમસ્યા  ઉકેલી શકાય. *વિજય અને હાર  જીવનના એક જ  હિસ્સા  છે ,તેને   સમાનતાની  સાથે  જોવા જોઈએ . *અમે બિનજરૂરી યુદ્ધો   અમારા બહુમૂલ્ય સંસાધનોને બરબાદ કરી રહ્યા છીએ ..જો અગર અમારે   યુદ્ધ કરવું છે ,તો બેરોજગારી ,બીમારી અને પછાતપણા પર કરવું જોઈએ . *હું  ઈચ્છું છું  કે  ભારતનો કોઈ નાગરિક એકલાપણું ,અસહાયતા અનુભવ ન કરે .પૂર્ણ દેશ તેની સાથે છે . *મારુ માનવું છે કે  રાષ્ટ્રોની વચ્ચે  શાંતિ અને સહ્યોગ   ને માટે  લોકતંત્ર ઉત્તમ 'ગેરેન્ટર 'છે . * વિકાસ માટે શાંતિ આવશ્યક છે . *અમારા પરમાણુ વૈજ્ઞાનિકો અને ઈજનેરોએ એક શાનદાર(ભવ્ય )કામ કર્યું છે.અને સ્વાભાવિકરૂપથી,આખા દેશે પોતાના  ધંધા  ઉત્કૃષ્ટતા , અનુશાસન અને  દેશભક્તિ ને સલામ કરવા માટે  ઉચ્ચતા આપી છે.તેને હોમી ભાભા અને વિક્રમ સારાભાઈ જેવાં મહાન  પુરુષો  દ્વારા  અતીતમાં નેતૃત્વ કરવાનો લાભ  મળ્યો છે . *અમે બધા જ વિવાદોને શાંતિ પૂર્વક ઉકેલવામાં વિશ્વાસ કરીએ છીએ . *ભ્રષ્ટાચાર બાબતે કોઈ સમજૂતી  થઇ ન શકે . *ટકાઉ વિકાસ માટે જનસંખ્યાને સ્થિર કરવાની જરૂર છે . *રાજનીતિક આધાર પર કોઈપણ અસ્પૃશ્ય માની શકાય નહિ . *ભારત ક્યારેય રાષ્ટ્રીય સુરક્ષા સાથે કદી રાજકારણ રમ્યું નથી . * આપણે હંમેશા  લઘુમતીઓની  સંભાળ  રાખવી જોઈએ  અને તેમના લોક કલ્યાણ તરફ ધ્યાન આપવું જોઈએ  . *ભારત પ્રત્યે અનન્યનિષ્ઠા રાખવાવાળા સર્વ  ભારતીય છે ,પછી તેના ધર્મ ,ભાષા તથા પ્રદેશ કોઈપણ કેમ ન હોય? *સખ્ત મહેનત કયારેય થકાવટ  નથી લાવતી ,તે તો સંતોષ લાવે છે . *સાર્વજનિક કૂટનીતિ થી  શાંત કૂટનીતિ વધારે પ્રભાવી છે . --જિતેન્દ્ર પાઢ  /મોરિસવિલે  સિટી /નોર્થ કેરોલિના /અમેરિકા/૨૨/૮/૧૮

ચાલ જીવન નામે પેપરને લીક કરી જોઈએ.

ચાલ જીવન નામે પેપરને લીક કરી જોઈએ.
ને આઈ.એમ.પી મળે તો ક્લીક કરી જોઈએ.

દુઃખ નામના દાખલાઓ ગણતા ફાવે નહીં.
તો કૃષ્ણ નામની કાપલીની ટ્રીક કરી જોઈએ.

સપ્લીમેન્ટરી સ્વાર્થની આખી ભરીને શું થશે?
પરમાર્થ નામે પ્રશ્નો પહેલાં પીક કરી જોઈએ.

કોર્સ બહારનું પૂછવામાં પરમેશ્વરને આવે મઝા
તૈયારી ત્રિકમને તૃપ્ત કરવા ક્વિક કરી જોઈએ.

ને ફોડેલાં પેપરમાં કશું જો સમજાય નહિ તો
‘હરિ ઇચ્છા’ નામે ખાનામાં ટીક કરી જોઈએ.
🕯️🦋અરવિંદ કે પટેલ 🦋🕯️

😛Net ગુનિયા...😛

😛Net ગુનિયા...😛

Google માં ગોતી ગુમવાના..
Facebooke face બતાવાના..

Twitter માં જઈ tweete કરશું..
whatsup માં વાતો કરવાના..

Internet નો યુગ આવ્યો છે..
Candy crush ને તો રમવાના..

Jio 4g Data મળ્યો..
Day Night લોકો મથવાના...

Map હવે Guide બન્યું છે..
G P S સંગે ફરવાના...

Amazon અમે વાપરીશું..
Fast food અમે જમવાના..

Instagram 'જગત'માં આવ્યું..
Download કરી સડવાના...

વર્તમાન ને કહો થોભી જાય બાળપણ ને મળીને આવું છું !

વર્તમાન ને કહો થોભી જાય
બાળપણ ને મળીને આવું છું

ખુલ્લા માથે માણું વરસાદ
ઉઘાડા પગે દોડી જાઉં છું

ફૂટપાથ ના કોરે વેહ્તું પાણી
કાગળની નાવ ચલાવીને આવું છું

નાનો મજાનો એક ફુગ્ગો આપ
સાયકલ ના પૈંડે બાંધી ને આવું છું

લાલ પીળી પતંગની દોરી આપ
લાઈટના થામ્ભલે લંગર ઝુલાવી આવું છું

સુમસામ દેખાય છે મોહોલ્લા ની શેરીઓ
બે ચાર ટાબરિયાને પકડી લાઉં છું

યાદ આવે છે દેશી ફળો નો સ્વાદ
જમરૂખ પર મીઠું મરચું ભભરાવીને આવું છું

સમય ને કહો છોડી દે હાથ મારો
મિત્રો સાથે સાંકડી દાવ રમીને આવું છું

માણી લઉ સાત સ્વર્ગ નું સુખ સાત મિનિટમાં
સાત ઠીકડી સાત સાથીઓ સાથે રમીને આવું છું

શોખ છે દુનિયા ફરવાનો
બાયોસ્કોપ માં દુનિયા જોઈને આવું છું

કોઈ પણ ભીંતને બનાવી દો બ્લેક બોર્ડ
ઇંટોડા થી સ્કોર લખીને આવું છું

ઘૂંટણે તાજા છે બાળપણ ના નિશાન
યાદો નું મલમ લગાડી ને આવું છું

વર્તમાન ને કહો થોભી જાય બાળપણ ને મળીને આવું છું !