મ ન ગમતાં સંવાદો–૬
“ આજે કદાચ તું ના આવ્યો હોત તો હું તને ફરી કદી ના મળેત ”
“ તેં એવું કેમ માની લીધું કે હું નહિ આવું ? ”
“ ઘડીયાળાના કાંટા સરકીને આગળ નીકળી જાય, એના થી વધુ બીજું શું માનવાનું ? ”
“ ઓહ, કાશ તું મારી વાત માને ”
“ હું પણ એ જ કહું છું ને ! ”
“ હા, પણ વાત કહેવામાં કેટલો ફેર છે ? ”
“ અચ્છા તો એ કહે કે મારી વાત તને ખોટી લાગે છે ? ”
“ ના ડીયર, જેમ હું તને સમજી શકું છું; તેમ તું પણ મને સમજવાની કોશિશ કર ”
“ સાચું કહ્યું. હવે તો હું તને સમજવાની કોશિશ જ કરું છું. ”
“ ઓહ માય ગોડ, હવે તો વાત કોઈક બીજી જ દિશામાં જઈ રહી છે ”
“ વાત બીજી નહિ પણ સાચી દિશામાં જઈ રહી છે. ”
“ મતલબ કે હવે તો તને મારી વાતમાં પણ….. ”
“ પ્રેમમાં વિશ્વાસ અને સાથ એટલાં જ જરૂરી છે, જેટલા જીવવા માટે હવા અને પાણી ! ”
“ એક હાથથી તાલી ના પડે ડાર્લિંગ ”
“ સાચી વાત છે, બરાબર તાલી પાડવા માટે બેય હાથનું પરિવહન એક સરખું હોવું જોઈએ ”
“ તું સીધે સીધું કેમ નથી કહી દેતી ? ”
“ આ જ તો તારી પરીક્ષા છે, બાકી તો પ્રેમ કરવો અને પામવો અલગ અલગ એન્ગલ છે ”
“ ભૂમિતિ હું ભણ્યો નથી, પણ ગણિતમાં પાક્કો છું. ”
“ હા ખ્યાલ છે, ચલ જઈએ નહીતો ખોટા દાખલા ગણવા પડશે ”
મુખવાસ : પ્રેમ કરો, રહેમ કરો, પણ એનો ખોટો વહેમ ના કરો.
No comments:
Post a Comment